Fulbright: AQShda magistaturada o‘qish uchun to‘liq grant, oylik stipendiya va borib-kelish uchun aviachipta!

Bugungi kunda ta'lim sohasidagi eng dolzarb xabar shu bo'ldi:

Qisqacha mazmun:
Fulbright Foreign Student Program grant dasturi magistratura bosqichini AQSh oliygohlarida o'qimoqchi bo'lgan O‘zbekistonlik yoshlarni o'zining navbatdagi grant dasturida qatnashish uchun ariza topshirishga taklif etadi.
Dastur doirasida har yili o'rtacha 2-4 nafar O‘zbekistonlik talabalar uchun grant o‘rinlari ajratiladi.
Hujjatlarni tayyorlash, onlayn ariza topshirish va kerakli hujjatlarning to'liq ro'yxati bilan batafsil SHU YERDA tanishib chiqishingiz lozim.

---

Fulbright Foreign Student Program grant dasturi magistratura bosqichini AQSh oliygohlarida o'qimoqchi bo'lgan O‘zbekistonlik yoshlarni o'zining navbatdagi grant dasturida qatnashish uchun ariza topshirishga taklif etadi. Hozirda 2024-yildan boshlanadigan magistratura kurslarida o‘qishni xohlovchi nomzodlardan arizalar qabul qilinmoqda. Grantlar to'g'ridan-to'g'ri bemorlarga g'amxo'rlik qilishni talab etuvchi tibbiyot yo'nalishlaridan tashqari barcha sohalar uchun beriladi. Tibbiyot yo'nalishi bitiruvchilari kimyo, biologiya, jamoat salomatigi yoki shifoxona boshqaruvi kabi sohalar bo'yicha magistraturaga ushbu dasturga topshirishi mumkin.

Dastur doirasida har yili o'rtacha 2-4 nafar O‘zbekistonlik talabalar uchun grant o‘rinlari ajratiladi. Har yili mazkur grantga hujjat topshiruvchilar o'zbekistonliklar soni esa o'rtacha 130-150 nafarni tashkil qiladi.

Grant kimlar uchun?

Magistratura bosqichida o‘qishni xohlovchilar uchun

Batafsil ma’lumot uchun link

Grantning manfaatli jihatlari:

Ushbu grantni qo'lga kiritganlar quyidagi imtiyozlar bilan taʼminlanadi:

1. O‘qish to‘lovi va boshqa barcha to‘lovlar to‘liq qoplanadi.
2. Talabalarga oylik stipendiya ajratiladi.
3. Talabalar tibbiy sug‘urtalanadi.
4. J-1 vizasini olishda yordam ko'rsatiladi.
5. Kitob va boshqa o‘quv qurollari uchun mablag‘ ajratiladi
6. O‘zbekistondan AQSHga borish va qaytish uchun aviachipta olib beriladi.

Talablar:

Grant yutib olish uchun nomzod quyidagi talablarga mos bo‘lishi lozim:

1. Nomzod O'zbekiston fuqarosi bo'lishi hamda ariza topshirish va saralash jarayoni davrida O'zbekistonda istiqomat qilishi kerak.
2. Bakalavrlik diplomiga ega bo'lish kerak.
3. Kamida 2 yillik ish tajribasiga ega bo'lish kerak.
4. Nomzod ingliz tilini yaxshi bilishi zarur. Nomzoddan TOEFL va GRE/GMAT sertifikatlari talab etiladi. Biroq ariza topshirish jarayonida bunday sertifikatga ega bo'lmaganlar ham hujjat topshira oladi. Hujjat topshirish bosqichidan o'tganlardan kerakli sertifikat imtihonini topshirish va sertifikatni taqdim etish so'raladi. Agar ariza topshirish jarayonida so'ralgan sertifikatga ega bo'lsangiz, uni ham birdan topshirishingiz mumkin.
5. Dastur faqat magistratura bosqichida o‘qish uchun mo‘ljallangan.
6. Dasturda avval magistratura bosqichini tamomlagan nomzodlar ham ishtirok etishlari mumikin.

Dasturga qabul jarayoni:

2024-2025-o‘quv yili uchun arizalar 2023-yilning 25-may, 18:00 gacha topshirilishi zarur. Buning uchun nomzod orqali onlayn ariza to‘ldirish hamda so‘ralgan hujjatlarni kerakli o‘rinlarga yuklash yetarli bo‘ladi (dastlab ariza topshirish uchun akkaunt ochish kerak; oldin akkaunt ochgan bo'lsangiz, o'sha akkauntingiz orqali topshirsangiz ham bo'ladi). Dasturga faqat onlayn arizalar qabul qilinadi.

Dastur doirasida har yili 2-4 ta O‘zbekistonlik talabaga AQSh oliygohlarida 2 yillik magistratura kursida o‘qish imkoniyati beriladi. Dastur g‘oliblarining qaysi oliygohda o‘qishi Institute for International Education (IIE) va Fulbright Foreign Student Program tomonidan belgilanadi.

Hujjat topshirish jarayoni haqida batafsil bu yerda bilib oling. Ko'p so'raladigan savollarga javoblar bu yerda.

Kerak bo'ladigan asosiy hujjatlar:

1. Bakalavriat dilomi; agar bo'lsa, magistratura diplomi ham.
2. Baholar/diplom ilovalari.
3. 3 ta tavsiyanoma.
4. TOEFL sertifikati (agar mavjud bo‘lsa).
5. GRE/GMAT sertifikat (agar mavjud bo‘lsa).
6. CV.
7. O'qish rejasi (Study Plan).
8. Shaxsiy bayonot (Personal Essay).

Yuqoridagilar umumiy hujjatlar bo'lib, ulardan tashqari topshirilishi / yozilishi kerak bo'lgan majburiy va ixtiyoriy hujjatlar ham mavjud. Hujjatlarni tayyorlash, onlayn ariza topshirish va kerakli hujjatlarning to'liq ro'yxati bilan batafsil SHU YERDA tanishib chiqishingiz lozim.

Grant haqidagi to‘liq ma’lumotni grant AQSH elchixonasining rasmiy saytidan yoki savol-javoblardan olishingiz mumkin.

Barcha maʼlumotlar bilan tanishib chiqqandan keyn ham savollaringiz bo'lsa, TashkentFulbright@state.gov elektron pochta manziliga murojaat qilishingiz mumkin. Email yozganda mavzuga (subject) “2024 Fulbright Foreign Student Program” deb yozilishi kerak.

Manba: Grantlar.uz

Manba: oliygoh.uz sayti ma'lumotlari asosida tayyorlandi.