Bilimni baholash agentligi 2026-yil 2-yarmida chet tilidan milliy sertifikat imtihonlari qachon oʻtkazilishini eʼlon qildi. Avgust-dekabr oylarida imtihonlar multilevel formatida oʻtkaziladi. Roʻyxatdan oʻtish my.gov.uz sayti orqali onlayn amalga oshiriladi.
2026-yil avgust dekabr oylarida chet tili imtihonlari jadvali
Agentlik taqdim etgan grafikda har bir oy uchun roʻyxatdan oʻtish, toʻlov va imtihon sanalari hamda qaysi tillar boʻyicha imtihon oʻtkazilishi koʻrsatilgan. Grafikdagi sanalar davlat tadbirlari va talabgorlar soni oʻzgarishi sababli oʻzgartirilishi mumkin.
Avgust oyidagi imtihon
- Roʻyxatdan oʻtish: 4-avgust — 12-avgust
- Toʻlov muddati: 13-avgustga qadar
- Imtihon: 24-25-avgust kunlari
- Tillar: Ingliz tili, Nemis tili, Fransuz tili, Turk tili, Arab tili
Sentabr oyidagi imtihon
- Roʻyxatdan oʻtish: 15-avgust — 29-avgust
- Toʻlov muddati: 30-avgustga qadar
- Imtihon: 13-15-sentabr kunlari
- Tillar: Ingliz tili, Arab tili, Turk tili, Nemis tili (elektron shaklda), Fransuz tili (elektron shaklda)
Oktabr oyidagi imtihon
- Roʻyxatdan oʻtish: 11-sentabr — 25-sentabr
- Toʻlov muddati: 26-sentabrga qadar
- Imtihon: 10-12-oktabr kunlari
- Tillar: Ingliz tili, Arab tili, Turk tili, Koreys tili, Nemis tili (elektron shaklda), Fransuz tili (elektron shaklda)
Noyabr oyidagi imtihon
- Roʻyxatdan oʻtish: 10-oktabr — 24-oktabr
- Toʻlov muddati: 25-oktabrga qadar
- Imtihon: 8-10-noyabr kunlari
- Tillar: Ingliz tili, Arab tili, Turk tili, Ispan tili, Xitoy tili, Urdu tili, Italyan tili, Fors tili, Nemis tili (elektron shaklda), Fransuz tili (elektron shaklda)
Dekabr oyidagi imtihon
- Roʻyxatdan oʻtish: 13-noyabr — 27-noyabr
- Toʻlov muddati: 28-noyabrga qadar
- Imtihon: 12-14-dekabr kunlari
- Tillar: Ingliz tili, Arab tili, Turk tili, Yapon tili, Uygʻur tili, Dariy tili, Pushtu tili, Hindiy tili, Nemis tili (elektron shaklda), Fransuz tili (elektron shaklda)
Nogironligi boʻlgan talabgorlar uchun imtihonlar
Nogironligi boʻlgan talabgorlar uchun imtihonlar elektron shaklda oʻtkaziladi. Tillar: Ingliz tili, Nemis tili, Fransuz tili, Arab tili, Turk tili.
- Sentabr bosqichi — roʻyxatdan oʻtish 19-avgust — 2-sentabr, toʻlov 3-sentabrgacha, imtihon 17-sentabr kuni
- Noyabr bosqichi — roʻyxatdan oʻtish 15-oktabr — 29-oktabr, toʻlov 30-oktabrgacha, imtihon 13-noyabr kuni
Roʻyxatdan oʻtish va toʻlov miqdori qanday
Barcha chet tillari boʻyicha imtihonlar multilevel formatida oʻtkaziladi. Nemis va Fransuz tili boʻyicha imtihonlar elektron shaklda tashkil etiladi.
Roʻyxatdan oʻtish faqat my.gov.uz sayti orqali amalga oshiriladi. Har bir hududdagi oʻrinlar soni limit bilan cheklangan va roʻyxatdan oʻtish belgilangan limit doirasida olib boriladi.
- 1-sentabrgacha — 556 200 soʻm
- 1-sentabrdan boshlab — 594 000 soʻm
Bir yarim bazaviy hisoblash miqdorining 90 foizi miqdorida belgilangan. Qoʻshimcha maʼlumot uchun BaholashUz kanali va 1242, 1195 qisqa raqamlari orqali murojaat qilish mumkin.
Chet tilidan imtihon haqida batafsil maʼlumotlar bilan chet tilini bilish imtihoni oʻtkaziladigan joylar haqidagi maqolada ham tanishishingiz mumkin.
Barcha fanlar boʻyicha toʻliq jadval bilan milliy sertifikat sanalari 2026 sahifasida tanishishingiz mumkin.
Reklama
Izohlar (0)
Izoh yozish uchun tizimga kiring.