Abituriyentlar uchun o‘qishga kirishga yordam beradigan 12 maslahat
Abituriyentlar va talabalar uchun foydali ma’lumotlar to‘plami. Kirish imtihonlarida xotira, diqqat va kayfiyatni ko‘taruvchi usullarni bilib olish juda muhim.
1. Nonushta va “miya uchun ozuqa”
Miyaning diqqatni jamlashi glyukozaga bog‘liq. Kunni suli bo‘tqasi, tuxum, baliq va yong‘oq kabi foydali mahsulotlar bilan boshlang. Bu abituriyentlar uchun miya faoliyatini yaxshilashda muhim ahamiyatga ega.
2. Hammasini barvaqt boshlang
Tayyorgarlikni imtihonlarga oz qolganda emas, balki bir necha oy avval boshlang. Muntazam reja asosida o‘qish fanlarni o‘zlashtirishga katta yordam beradi.
3. Aynan nimaga diqqat qaratishni aniqlab oling
Imtihon turiga qarab tayyorgarlik usulini tanlang. Test sinovlari uchun DTM standartidagi test tizimi yordamida mashq qilish samarali hisoblanadi.
4. Reja tuzib oling
Aniq reja vaqtni tejaydi. Unga darslar, tanaffuslar va sportni kiritishni unutmang.
5. Tanaffus — eng yaxshi yordamchingiz
Tadqiqotlar dars va takrorlash o‘rtasida ma’lum tanaffus olinishi lozimligini ko‘rsatadi. Bu ma’lumotlarning miyaga yaxshiroq o‘rnashishiga yordam beradi.
6. O‘zingizni doimiy sinab boring
“O‘z-o‘zini imtihon qilish” ma’lumotni o‘zlashtirishning eng samarali usullaridan biridir.
7. O‘qituvchiga aylaning
O‘rgangan mavzuni boshqalarga tushuntirib berish xotirani keskin oshiradi.
8. Telefonni yashirib qo‘ying
Smartfonlar eng katta chalg‘ituvchi vositadir. Tayyorgarlik davrida ulardan uzoqroq bo‘ling.
9. Kamroq musiqa, ko‘proq sukunat
Musiqa ma’lumotlarni miyada o‘zlashtirishga xalal berishi mumkin. Dars payti sukunatni saqlashga harakat qiling.
10. Toza havo va badantarbiya
Jismoniy mashqlar qon aylanishini yaxshilab, miyaga ko‘proq kislorod borishini ta’minlaydi.
11. To‘yib uxlang
Yarim tunda dars qilishdan ko‘ra, to‘yib uxlash samaraliroq natija beradi.
12. Xotirjam va pozitiv bo‘ling
Muvaffaqiyat kaliti — xotirjamlik va yuqori kayfiyatdir. O‘zingizni taqdirlashni unutmang!
Izohlar (0)
Izoh yozish uchun tizimga kiring.