O‘zbekistonda 2030-yilgacha talabalar ehtiyojini to‘liq qoplaydigan darajada talabalar turar joylari qurib bitkaziladi. Bu haqda Oliy ta’lim, fan va innovatsiyalar vaziri Qo‘ng‘irotboy Sharipov ma’lum qildi, deya xabar bermoqda Ta’lim xabarlari.
Qancha yotoqxona qurilgan?
So‘nggi 10 yil davomida respublikada jami 100 ming o‘rinli talabalar turar joylari qurilgan. Taqqoslash uchun — undan avvalgi 100 yil davomida jami 55 ming o‘rinli yotoqxonalar barpo etilgan. Yangi binolar davlat-xususiy sheriklik asosida qurilmoqda.
Reklama
Kimlar ustuvor joylashtiriladi?
Hozir kunduzgi ta’limda tahsil olayotgan talabalarning kamida 20 foizini viloyatlardan kelganlar tashkil etadi. Avvalo, ijtimoiy himoyaga muhtoj va nogironligi bo‘lgan yoshlar, keyin esa uzoq va chekka hududlardan kelgan talabalar ustuvorlikka ega.
Ijara to‘lovi qanday qoplanadi?
Yotoqxonaga joylashmagan talabalar uchun ijara to‘lovining yarmi davlat tomonidan qoplanadi. Vazirning so‘zlariga ko‘ra, hozir yotoqxonada tursa ham, ijarada tursa ham xarajat bir xil bo‘ladi. Shuningdek, yotoqxonaga ehtiyoji bo‘lgan talabalar 15-avgustdan boshlab maxsus platforma orqali ro’yxatdan o‘tishi mumkin. 1-kurs talabalari yotoqxonaga qachon ariza topshirishi haqida avvalroq yozgan edik.
InfoEdu.uz orqali ta’limga oid eng muhim yangiliklarni muntazam kuzatib boring.
Izohlar (0)
Izoh yozish uchun tizimga kiring.