O‘qishni ko‘chirish 2024/2025: Baholash tizimi va ballar

2024/2025 o‘quv yili uchun o‘qishni ko‘chirish imtihonlari

O‘qishni ko‘chirish istagida bo‘lgan talabalar uchun yangi o‘quv yilidagi baholash mezonlari tasdiqlandi. Quyida imtihon tizimi va ballar taqsimoti bilan batafsil tanishing.

Baholash tizimi: umumiy qoidalar

Joriy yilda o‘qishni ko‘chirish bo‘yicha test sinovlari 5 ta fan bo‘yicha o‘tkaziladi. Umumiy hisobda 90 ta test topshirig‘i beriladi va maksimal to‘plash mumkin bo‘lgan ball – 189 ballni tashkil etadi.

Majburiy fanlar bloki

Barcha talabalar uchun quyidagi 3 ta majburiy fan bo‘yicha test olinadi (har bir savol 1,1 ball):

• Ona tili (o‘zbek, rus yoki qoraqalpoq tili): 10 ta savol – 11 ball.
• Matematika: 10 ta savol – 11 ball.
• O‘zbekiston tarixi: 10 ta savol – 11 ball.

Majburiy fanlardan jami 33 ball to‘plash mumkin.

Mutaxassislik fanlari

Bakalavriat ta’lim yo‘nalishiga mos bo‘lgan 2 ta mutaxassislik fan bo‘yicha savollar quyidagicha taqsimlanadi:

• 1-fan: 30 ta savol (har biri 3,1 ball) – 93 ball.
• 2-fan: 30 ta savol (har biri 2,1 ball) – 63 ball.

Mutaxassislik fanlaridan jami 156 ball to‘plash imkoniyati mavjud.

Siz o‘zingiz tanlagan yo‘nalish bo‘yicha kirish ballari yo‘nalishlar kesimida ma’lumotlarni tahlil qilib chiqishingiz mumkin. O‘qishni ko‘chirish va talabalik davri bilan bog‘liq boshqa foydali ma’lumotlarni esa talabalar uchun ajratilgan bo‘limimizdan topishingiz mumkin. Ushbu ma’lumotlar rasmiy manbalarga asoslangan.