2024/2025-o‘quv yili uchun kontrakt to‘lov muddatlari tasdiqlandi
Oliy ta’lim muassasalarida tahsil olayotgan talabalar hamda yangi qabul qilingan abituriyentlar uchun kontrakt to‘lovlarini amalga oshirish bo‘yicha rasmiy muddatlar belgilandi. Ushbu yangilik talabalar uchun muhim ahamiyatga ega.
Kontrakt to‘lovlari bosqichlari va muddatlari
To‘lov-kontrakt asosida o‘qiydigan talabalar uchun to‘lovlar quyidagi muddatlarda amalga oshirilishi lozim:
- 25% to‘lov miqdori: Talabalikka tavsiya etilgan abituriyentlar uchun 2024-yil 15-sentyabrgacha, ikkinchi va undan yuqori kurs talabalari uchun 2024-yil 1-oktyabrgacha.
- 50% to‘lov miqdori: 2025-yil 1-yanvargacha.
- 75% to‘lov miqdori: 2025-yil 1-martgacha.
- 100% to‘lov miqdori: 2025-yil 1-maygacha.
Eslatib o‘tamiz, oliy ta’lim muassasasi rektori yoki direktori tomonidan ushbu muddatlar uzaytirilishi mumkin. Shuningdek, abituriyentlar uchun kontrakt shartlari va qabul jarayonlari haqida batafsil ma'lumotlarni kuzatib borish tavsiya etiladi.
Mazkur tartib moliyaviy mustaqillik berilgan davlat oliy ta’lim muassasalari uchun tavsiyaviy xarakterga ega ekanligini inobatga oling.
Izohlar (0)
Izoh yozish uchun tizimga kiring.