Xotin-qizlar uchun qo‘shimcha qabul kvotalari tasdiqlandi
Oliy ta’lim muassasalariga kirishda ehtiyojmand xotin-qizlar uchun ajratilgan 2000 ta davlat granti asosidagi qabul ko‘rsatkichlari hududlar kesimida tasdiqlandi.
Asosiy qoida: Belgilangan nizom shartlariga mos kelsa, abituriyent ham 5 yillik stajga ega xotin-qizlar uchun, ham ehtiyojmand oilalar uchun beriladigan tavsiyanomani bir vaqtning o‘zida olishi mumkin.
Hududlar bo‘yicha kvotalar taqsimoti
Qo‘shimcha grant o‘rinlari quyidagicha taqsimlandi:
- Qoraqalpog‘iston: 111
- Andijon: 183
- Buxoro: 112
- Jizzax: 81
- Qashqadaryo: 193
- Navoiy: 60
- Namangan: 165
- Samarqand: 227
- Surxondaryo: 155
- Sirdaryo: 50
- Toshkent viloyati: 177
- Farg‘ona: 221
- Xorazm: 110
- Toshkent shahri: 155
Kvotalar asosan aniq va tabiiy fanlar, texnika hamda tibbiyot yo‘nalishlariga yo‘naltirilgan. Abituriyentlar o‘z tanlovlarini amalga oshirishda kirish ballari yo'nalishlar kesimida ma'lumotlaridan foydalanishlari tavsiya etiladi.
Tavsiyanoma kimlarga beriladi?
Ushbu imtiyoz quyidagi toifadagi xotin-qizlarga tegishli:
- Kam ta’minlangan oila farzandlari;
- To‘liqsiz oilada tarbiyalanayotgan ijtimoiy himoyaga muhtoj qizlar;
- Turmush o‘rtog‘i vafot etgan yolg‘iz ayollar;
- Nogironligi bo‘lgan farzandi yoki nogiron ota-onasi bor xotin-qizlar.
Muhim eslatmalar
Tavsiyanoma faqat abituriyent ro‘yxatdan o‘tishda tanlagan birinchi ta’lim yo‘nalishi bo‘yicha amal qiladi. Abituriyentlar uchun mo‘ljallangan ushbu imtiyozdan foydalanish uchun kirish imtihonlarida eng yuqori ballning kamida 30 foizini to‘plash talab etiladi.
Tavsiyanomalar muddati ehtiyojmand xotin-qizlar uchun 1 yilni tashkil etadi, shu sababli o‘tgan yilgi tavsiyanomalar joriy yilda o‘z kuchini yo‘qotadi.
Izohlar (0)
Izoh yozish uchun tizimga kiring.