Talabalar uchun turar joy masalasida qulayliklar
O‘quv yili boshlanishi arafasida talabalar va abituriyentlar uchun muhim yangilik e’lon qilindi. Endilikda barcha davlat oliy ta’lim muassasalarida talabalarni turar joy bilan ta’minlashga ko‘maklashuvchi maxsus markazlar faoliyati yo‘lga qo‘yildi.
Markazlar qanday xizmat ko‘rsatadi?
Ushbu markazlar talabalarning turar joysiz qolishlari ehtimolini bartaraf etish hamda navbatlarni qisqartirish maqsadida tashkil etilgan. Markazda ko‘ngilli lider yoshlar va tyutorlar faoliyat yuritib, quyidagi yo‘nalishlarda yordam berishadi:
- Talabalarni yotoqxona bilan ta’minlash jarayonini nazorat qilish;
- Ijara xonadonlari bo‘yicha ma’lumotlar bazasini taqdim etish;
- Talabalarga amaliy ko‘mak ko‘rsatish va maslahatlar berish.
Oliy ta’lim, fan va innovatsiyalar vazirligining asosiy shtabi talabalar shaharchasida joylashgan bo‘lib, barcha oliygohlar kesimida monitoring ishlarini olib boradi. Agar siz talabalar uchun foydali ma’lumotlarni izlayotgan bo‘lsangiz, ushbu markazlarga murojaat qilishingiz mumkin. Shuningdek, kirish ballari yo'nalishlar kesimida ma’lumot olishni istasangiz, rasmiy saytimizni kuzatib boring.
Siz bu yangilikka qanday qaraysiz? Izoh qoldiring.
Izohlar (0)
Izoh yozish uchun tizimga kiring.