Finlandiyada taʼlim: University of Oulu grant dasturlari
Finlandiyaning yetakchi oliygohlaridan biri boʻlgan University of Oulu iqtidorli yoshlarni bakalavriat va magistratura bosqichlarida grant asosida tahsil olishga chorlaydi. Bu dastur xalqaro talabalar uchun ajoyib imkoniyatdir.
Grant shartlari va talablar
Grant dasturida ishtirok etish uchun nomzodlar quyidagi talablarga javob berishlari kerak:
- Akademik koʻrsatkichlar: Aʼlo darajadagi akademik natijalar.
- Magistratura uchun: Bakalavr diplomi va IELTS 6.5 (yoki TOEFL iBT 92).
- Bakalavriat uchun: Attestat/kollej diplomi va IELTS 6.5 (yoki TOEFL iBT 78).
- Qoʻshimcha: Baʼzi yoʻnalishlar uchun SAT, GRE yoki GMAT talab qilinishi mumkin.
Batafsil maʼlumotlarni abituriyentlar uchun moʻljallangan boʻlimimizdan kuzatib borishingiz mumkin.
Grantning afzalliklari
Qabul qilingan talabalarga kontrakt toʻlovining 50%, 75% yoki 100% qismi qoplab beriladi. Shuni yodda tutingki, grant faqat kontrakt toʻlovini qoplaydi, yashash va oziq-ovqat xarajatlari talaba zimmasida. Kontrakt narxlari bilan universitet rasmiy saytida tanishishingiz mumkin.
Kerakli hujjatlar va topshirish tartibi
Hujjatlar ingliz, fin yoki shved tillarida taqdim etilishi shart. Barcha talabalar uchun foydali boʻlgan tavsiyalarni saytimizda topasiz.
Qabul muddatlari: Arizalar 5-yanvardan 19-yanvarga qadar qabul qilinadi. Ariza topshirish uchun Studyinfo portalidan foydalaning.
Savollaringiz boʻlsa, admissions(at)oulu.fi elektron manzili yoki +358 294 484 108 raqami orqali universitet qabul komissiyasi bilan bogʻlaning.
Izohlar (0)
Izoh yozish uchun tizimga kiring.