Boloniya universiteti: Italiyada bepul ta’lim olish imkoniyati
Italiyaning eng nufuzli oliygohlaridan biri bo‘lgan Boloniya universiteti (University of Bologna) xalqaro talabalar uchun 2021-yilgi grant dasturini e’lon qildi. Ushbu dastur doirasida talabalar nafaqat bepul o‘qish, balki katta miqdordagi stipendiya sohibiga ham aylanishlari mumkin.
Grantning asosiy afzalliklari
- O‘quv dasturi to‘lovi to‘liq qoplanadi;
- Yashash xarajatlari uchun yiliga 11 000 yevro stipendiya ajratiladi;
- Bakalavr va magistratura bosqichlarida o‘qish imkoniyati mavjud.
Boloniya universiteti dunyo reytingida 160-o‘rinni, Italiyada esa 1-o‘rinni egallaydi. Agar siz nufuzli oliygohlar orasidan munosibini qidirayotgan bo‘lsangiz, ushbu imkoniyat aynan siz uchun.
Nomzodlar uchun qo'yiladigan talablar
Grantga ariza topshirish uchun quyidagi mezonlarga javob berish lozim:
- Barcha davlat fuqarolari (shu jumladan O'zbekiston) ariza topshirishlari mumkin;
- Nomzodning yoshi 30 yoshdan oshmagan bo‘lishi kerak;
- Nomzod ariza topshirishdan oldin SAT (bakalavr uchun) yoki GRE (magistratura uchun) testlarini topshirgan bo‘lishi shart.
Ko‘plab talaba bo‘lish istagidagi yoshlar uchun bu xalqaro tajriba orttirish va Yevropada ta'lim olishning eng yaxshi yo‘lidir.
Hujjat topshirish muddati va tartibi
Arizalar onlayn tarzda qabul qilinadi. Arizalarni topshirishning oxirgi muddatlari:
- Magistratura bosqichi uchun: 2021-yil 31-mart;
- Bakalavr bosqichi uchun: 2021-yil 30-aprel.
Dastlab universitetning rasmiy sayti orqali o‘quv yo‘nalishini tanlab, so‘ngra grant uchun alohida ariza to‘ldirish talab etiladi. Batafsil ma'lumotni universitet rasmiy portalidan olishingiz mumkin.
Izohlar (0)
Izoh yozish uchun tizimga kiring.