Turkiyada magistratura va doktorantura: To‘liq grantlar

Turkiyada ta’lim: Koç universitetida to‘liq grant imkoniyati

Turkiyada magistratura va doktorantura bosqichlarida o‘qishni istaganlar uchun ajoyib yangilik! Istanbuldagi nufuzli Koç universiteti xalqaro talabalar uchun to‘liq moliyalashtiriladigan grant dasturlarini taqdim etadi.

Koç universiteti haqida

1993-yilda tashkil etilgan Koç universiteti Turkiyaning yetakchi xususiy oliygohlaridan biri hisoblanadi. U o‘zining yuqori ilmiy salohiyati va zamonaviy infratuzilmasi bilan ajralib turadi.

Grant dasturining afzalliklari

Koç University Scholarship dasturi talabalarni har tomonlama qo‘llab-quvvatlaydi:

Magistratura bosqichi uchun:

• O‘qish uchun 100% lik grant;
• Oylik stipendiya;
• Bepul turar joy;
• Ilmiy izlanishlar uchun qo‘shimcha imtiyozlar.

Doktorantura bosqichi uchun:

• O‘qish uchun 100% lik grant;
• Oylik stipendiya;
• Universitet hududida bepul turar joy;
• Tibbiy sug‘urta va noutbuk;
• Sayohat uchun grantlar.

Ariza topshirish tartibi

Grant uchun alohida ariza to‘ldirish shart emas. Universitetga qabul uchun yuborilgan barcha arizalar avtomatik ravishda grant dasturi uchun ham ko‘rib chiqiladi. Batafsil ma’lumot va kirish ballari yo'nalishlar kesimida tanishish uchun universitet rasmiy sahifasiga o‘ting.

Kerakli hujjatlar:

• Maqsad bayonoti (Statement of Purpose);
• Rezyume (CV);
• Transkript va GPA ko‘rsatkichlari;
• Diplom va tavsiya xatlari.

Qo‘shimcha ma’lumotlar va talabalar uchun foydali maslahatlar bilan tanishishni unutmang. Arizalar tanlangan kursga qarab turlicha muddatlarda qabul qilinadi. Tafsilotlar uchun universitetning rasmiy saytiga tashrif buyuring.