TU Berlin yozgi kurslari uchun grant dasturi
Germaniyaning nufuzli Technische Universität Berlin universiteti xalqaro talabalar uchun yozgi kurslarda bepul o‘qish imkoniyatini taqdim etmoqda. Bu dastur akademik ko‘rsatkichlari yuqori va ijtimoiy faol yoshlar uchun ajoyib imkoniyatdir.
Nima uchun TU Berlin?
Mazkur universitet dunyoning eng yaxshi ta'lim dargohlaridan biri hisoblanib, o‘zida Nobel mukofoti sovrindorlari va Milliy fan medali egalari kabi taniqli professor-o‘qituvchilarni jamlagan. Agar siz talabalar uchun xalqaro tajriba orttirishni maqsad qilgan bo‘lsangiz, ushbu grant aynan siz uchun.
Grantning afzalliklari
- O‘qish to‘lovlari to‘liq qoplab beriladi;
- Xalqaro darajadagi bilim va madaniyat almashinuvi;
- Global miqyosda yangi do‘stlar orttirish imkoniyati.
Eslatma: Grant faqat kurs to‘lovini qoplaydi. Yo‘l va turar joy xarajatlari nomzod zimmasida.
Kimlar ariza topshirishi mumkin?
- Germaniya hududidan tashqarida istiqomat qiluvchi nomzodlar;
- Akademik salohiyati yuqori bo‘lgan yoshlar.
Arizalar rasmiy ro‘yxatdan o‘tish portali orqali qabul qilinadi. Abituriyentlar uchun shuni ta'kidlash joizki, ushbu grantga ariza topshirishda 60 yevrolik to‘lovdan ozod etilasiz.
Muhim ma'lumotlar
Grant faqat offlayn kurslar uchun amal qiladi. Batafsil ma'lumotlar bilan rasmiy grant sahifasida tanishishingiz mumkin. Tez-tez beriladigan savollarga esa bu yerdan javob topasiz.
Oxirgi muddat: 29.04.2022 (kurs tanloviga qarab o‘zgarishi mumkin).
Izohlar (0)
Izoh yozish uchun tizimga kiring.