Toshkentdagi Amerika markazi $8000 gacha grant e’lon qildi

Toshkentdagi Amerika markazi grant dasturi

Toshkentdagi Amerika markazi (American Center Tashkent) media savodxonlikni rivojlantirishga qaratilgan ijtimoiy loyihalarni moliyalashtirish uchun grant dasturini e'lon qildi. Bu tashabbus, ayniqsa, talabalar va faol pedagoglar uchun ajoyib imkoniyatdir.

Kimlar ishtirok etishi mumkin?

Grant dasturida qatnashish uchun quyidagi talablar mavjud:

• Media savodxonligi bo‘yicha seminarlarni tashkil etish va boshqarish tajribasiga ega bo‘lgan fidoyi o‘qituvchilar;
• Jamiyatda ijobiy o‘zgarishlarga xizmat qiluvchi media savodxonlikka oid kreativ loyiha g‘oyasiga ega shaxslar.

Grant miqdori va ariza topshirish

Tanlab olingan loyihalar uchun $1000 dan $8000 gacha miqdorda grant ajratiladi. Agar siz ham pedagog kadrlar attestatsiyasi jarayonlarida o‘z malakangizni isbotlagan bo‘lsangiz, ushbu dasturda faol ishtirok etishingiz tavsiya etiladi.

Ariza topshirish uchun quyidagilarni bajaring:

• ACT Grant Anketasini yuklab oling va to‘ldiring;
• Tayyor anketani CV bilan birga [email protected] elektron pochta manziliga yuboring.

Eslatma: Arizalar 2022-yil 8-iyunga qadar qabul qilinadi.