Talaba va abituriyentlar uchun eng muhim onlayn xizmatlar

Talabalar va abituriyentlar uchun kundalik hayotda va o'qish jarayonida eng ko'p kerak bo'ladigan onlayn davlat xizmatlari ro'yxati shakllantirildi.

Bu xizmatlardan my.gov.uz portali yoki MyGov mobil ilovasi orqali uydan chiqmasdan foydalanish mumkin. Ushbu foydali ro'yxatni huquqshunos Xushnudbek o'z kanalida e'lon qildi.

Eng kerakli onlayn xizmatlar ro'yxati

1. O'qish joyidan ma'lumotnoma olish: oliy ta'lim muassasasidan ma'lumotnoma olish xizmati. Shuningdek, o'qish joyidan ma'lumotnomani onlayn olish bo'yicha to'liq yo'riqnomamiz ham mavjud.
2. Shahodatnoma dublikati: umumiy o'rta ta'lim to'g'risidagi shahodatnomaning dublikatini onlayn olish.
3. Davlat stipendiyalari: bakalavriat talabalari uchun davlat stipendiyalariga onlayn ariza yuborish.
4. Imtihon xarajatlarini qoplash: xalqaro imtihon tizimlari bo'yicha imtihon topshirish xarajatlarini qoplab berishga ariza yuborish.
5. IT-sertifikatlar xarajatlari: yoshlarning xalqaro IT-sertifikatlarini olish xarajatlarini qoplab berish bo'yicha ariza yuborish.
6. Chet tili sertifikati: chet tilini bilish darajasini aniqlashga qaratilgan test sinovlariga ariza yuborish.
7. Yoshlarbop boshqa xizmatlar: portalda taqdim etiladigan boshqa yoshlarbop xizmatlar.
8. Ta'lim xizmatlari: ta'lim sohasi bilan bog'liq onlayn ta'lim xizmatlari.
9. Ijtimoiy himoya: yoshlar uchun ijtimoiy himoya bilan bog'liq xizmatlar.
10. Madaniyat, turizm va sport: ushbu yo'nalishdagi onlayn davlat xizmatlari.

Mobil ilova orqali foydalanish

Ushbu xizmatlardan qulayroq foydalanish uchun MyGov mobil ilovasini Google Play Market yoki App Store do'konlaridan yuklab olishingiz mumkin.

Abituriyentlar, talabalar va o'qituvchilar uchun foydali ma'lumotlar InfoEdu.uz'da muntazam e'lon qilib boriladi.