Coursera: O‘zbekistonliklar uchun 5 ta yo‘nalishda bepul ta’lim

Coursera platformasida bepul ta’lim olish imkoniyati

Talabalar va abituriyentlar uchun ajoyib yangilik: “Bir million o‘zbek dasturchi” loyihasining ikkinchi bosqichi doirasida o‘zbekistonlik yoshlar Coursera platformasida 5 ta yo‘nalish bo‘yicha bepul ta’lim olishlari mumkin.

Kurslar o‘zbek tilidagi subtitrlar bilan taqdim etiladi. Shuningdek, mamlakatimiz platformaning barcha kontentidan foydalanish huquqini beruvchi 10 ming dona litsenziya sotib oladi.

Qaysi yo‘nalishlarda o‘qish mumkin?

Raqamli texnologiyalar vazirligi hamda IT Park tashabbusi bilan yoshlar uchun xalqaro darajadagi bilim olish imkoniyati yaratildi. Agar siz abituriyentlar uchun kerakli ma’lumotlarni izlayotgan bo‘lsangiz yoki talabalar uchun mo‘ljallangan qo‘shimcha kurslarga qiziqsangiz, ushbu dastur siz uchun ayni muddao.

Dastur doirasidagi 5 ta asosiy yo‘nalish:

• AI Business;
• Google Cloud;
• Data Science;
• Career Brand;
• Coding.

Vazir o‘rinbosari Rustam Karimjonovning ta’kidlashicha, ushbu loyiha orqali yoshlar xalqaro IT-sertifikatlarni qo‘lga kiritishlari mumkin. Loyiha doirasida 12 mingta professional kurslar va 275 ta xalqaro universitet hamda kompaniyalarning ta’lim dasturlaridan foydalanish imkoniyati ochiladi.