O‘qishni ko‘chirishda imtiyozlar amal qiladimi?
Ko‘plab talabalar va abituriyentlarni qiziqtirgan savol: oliygohdan oliygohga o‘qishni ko‘chirishda ijtimoiy yoki akademik imtiyozlar bormi? Javob aniq: o‘qishni ko‘chirish uchun hech qanday imtiyozlar mavjud emas.
Qaysi imtiyozlar o‘qishni ko‘chirishda o‘tmaydi?
O‘qishni ko‘chirish jarayonida quyidagi holatlar uchun hech qanday imtiyoz yoki yengilliklar berilmaydi:
- Boquvchisini yo‘qotganlik va chin yetimlik maqomi;
- IELTS, CEFR yoki milliy sertifikatlar;
- Xotin-qizlar uchun imtiyozlar;
- Nogironligi bo‘lgan shaxslar;
- Xalqaro yoki respublika olimpiadalari g‘olibligi;
- Harbiy xizmatni o‘taganlik;
- Xalqaro yoki respublika darajasidagi mukofotlar.
O‘qishni ko‘chirishning yagona yo‘li
O‘qishni ko‘chirish uchun yagona va majburiy talab – bu belgilangan tartibda o‘tkaziladigan imtihonlarda ishtirok etib, yetarli ball to‘plashdir. Oliy ta'lim muassasalari kesimida o‘tish ballari va talablar haqida ma'lumotlarni kuzatib borishingiz tavsiya etiladi.
Esda tuting, o‘qishni ko‘chirish jarayoni shaffof bo‘lib, faqat bilim va to‘plangan ballar asosida amalga oshiriladi. Batafsil ma'lumot uchun infoedu.uz saytiga tashrif buyuring.
Izohlar (0)
Izoh yozish uchun tizimga kiring.