Oliy harbiy ta’lim muassasalariga kirish test sinovlari haqida
Oliy harbiy ta’lim muassasalariga (OHTM) kirish test sinovlari respublika oliy ta’lim muassasalari bilan bir vaqtda o‘tkaziladi. Shu bois, abituriyentlar ro‘yxatdan o‘tish jarayonida quyidagi jihatlarga alohida e’tibor qaratishlari lozim:
Fanlar majmuasini to‘g‘ri tanlash
Abituriyentlar tanlayotgan fanlar majmuasi OHTMning tegishli ta’lim yo‘nalishidagi fanlar majmuasi bilan bir xil bo‘lishi shart. Bu kirish imtihonlarida muvaffaqiyatli qatnashish uchun hal qiluvchi omildir.
Noto‘g‘ri fanlar majmuasini tanlash oqibatlari
- Agar abituriyent mos kelmaydigan fanlar majmuasini tanlasa, OHTMga o‘qishga kirish uchun o‘tkaziladigan tanlovda ishtirok eta olmaydi.
- Tanlovda qatnasha olmaslik abituriyentning o‘qishga kirish imkoniyatini bevosita yo‘qqa chiqaradi.
O‘z yo‘nalishingiz bo‘yicha kirish ballari yo‘nalishlar kesimida ma’lumotlar bilan tanishib chiqish tavsiya etiladi.
Muhim eslatma
My.uzbmb.uz saytida OHTMga hujjat topshirgan abituriyentlar uchun tegishli fanlar majmuasi ko‘rsatilmoqda. Ma’lumotlaringizni ushbu tizim orqali qayta tekshirib olishingizni so‘raymiz.
Siz bu yangilikka qanday qaraysiz? Fikr va mulohazalaringizni izoh qoldirish orqali bildiring.
Izohlar (0)
Izoh yozish uchun tizimga kiring.