2026-yildan boshlab xorijiy va respublika oliy ta’lim muassasalaridan o‘qishni ko‘chirish jarayonida chet tili hamda umumta’lim fanlari bo‘yicha milliy sertifikatlar ham inobatga olinadi.
Yangi tartibga ko‘ra, sertifikatdagi natija maxsus formula asosida ballga aylantiriladi va o‘qishni ko‘chirish imtihonidagi umumiy natijaga qo‘shiladi.
O‘qishni ko‘chirishning umumiy tartibi bilan tanishmoqchi bo‘lsangiz, Xorijdan o‘qishni ko‘chirish bu yil qanday tartibda amalga oshiriladi? maqolamizni ham o‘qishingiz mumkin.
Reklama
Milliy sertifikat balli qanday hisoblanadi?
Hisob-kitobda milliy sertifikatda qayd etilgan natija foiz (p%) ko‘rinishida olinadi.
So‘ngra fan blokiga qarab quyidagi formulalardan biri qo‘llaniladi.
Matematika 1-blok fan bo‘lsa
Agar matematika birinchi blok fani hisoblangan bo‘lsa, ball quyidagi formula orqali aniqlanadi:
Ball = 93 × p% + 11
Masalan, sertifikat natijasi 80 foiz bo‘lsa:
93 × 0,8 + 11 = 85,4 ball
Matematika 2-blok fan bo‘lsa
Agar matematika ikkinchi blok fani bo‘lsa, quyidagi formula qo‘llaniladi:
Ball = 63 × p% + 11
Masalan, sertifikat natijasi 80 foiz bo‘lsa:
63 × 0,8 + 11 = 61,4 ball
Milliy sertifikat qanday ustunlik beradi?
Milliy sertifikatga ega talabalar o‘qishni ko‘chirish imtihonida qo‘shimcha ball olish imkoniyatiga ega bo‘ladi.
Bu esa:
- umumiy natijani oshirishga;
- tanlovda raqobatbardoshlikni kuchaytirishga;
- o‘qishni muvaffaqiyatli ko‘chirish imkoniyatini oshirishga xizmat qiladi.
O‘tish ballari oshishi mumkin
Milliy sertifikatlar uchun qo‘shimcha ball berilishi sababli, ko‘plab talabgorlarning umumiy natijasi yuqorilashi kutilmoqda.
Natijada 2026-yilgi o‘qishni ko‘chirish tanlovida ayrim ta'lim yo‘nalishlari bo‘yicha o‘tish ballari avvalgi yillarga nisbatan yuqoriroq shakllanishi mumkin.
Shu sababli talabgorlarga o‘tish ballari e'lon qilingach, ularni diqqat bilan o‘rganish va o‘z natijalarini real baholash tavsiya etiladi.
Izohlar (0)
Izoh yozish uchun tizimga kiring.