Matematika, kimyo va geografiya bo‘yicha Milliy sertifikat natijalari e’lon qilindi

Abituriyentlar diqqatiga! Matematika, kimyo va geografiya fanlaridan o‘tkazilgan Milliy sertifikat imtihonlari natijalari chiqdi. Davlat test markazi xabariga ko‘ra, 2026-yil fevral va mart oylarida bo‘lib o‘tgan imtihonlar yakunlari e’lon qilina boshladi. Test natijalari xalqaro metodika – Rash modeli asosida hisoblab chiqilgan. Natijalarni qanday tekshirish mumkin? Talabgorlar o‘z natijalari bilan my.gov.uz portalining “Mening arizalarim” bo‘limi orqali tanishishlari hamda sertifikatni elektron shaklda yuklab olishlari mumkin. Sertifikat darajalari: - 70 balldan yuqori — A+ - 65-69,9 ball — A - 60-64,9 ball — B+ - 55-59,9 ball — B - 50-54,9 ball — C+ - 46-49,9 ball — C Sertifikatga ega abituriyentlar oliy ta’lim muassasalariga kirishda tegishli fanlardan maksimal ball olish imkoniyatiga ega bo‘ladilar. Barchaga omad tilaymiz!