Maktab maslahatchisi lavozimiga tanlov boshlandi

O‘zbekistonda maktab maslahatchisi lavozimi uchun tanlov jarayoni rasman boshlandi. 22-apreldan boshlab ushbu yo‘nalishda ishlash istagidagi nomzodlar tanlov.uzedu.uz platformasi orqali onlayn ariza topshirishlari mumkin.

So‘nggi paytlarda “maktab maslahatchisi”, “maktab maslahatchisi nima ish qiladi” va “maktab maslahatchisi lavozimiga qanday ariza topshiriladi” kabi qidiruvlar internetda keskin oshmoqda. Chunki ushbu yangi lavozim 2025-yildan boshlab O‘zbekiston maktablarida bosqichma-bosqich joriy etilmoqda.

Maktab maslahatchisi nima ish qiladi?

Maktab maslahatchisi — o‘quvchilarning ta’lim olishi, kasb tanlashi va shaxsiy rivojlanishiga ko‘maklashuvchi mutaxassis hisoblanadi. Ushbu lavozim Prezident Shavkat Mirziyoyev tashabbusi bilan tashkil etilgan.

Maslahatchining asosiy vazifalari quyidagilar:

• o‘quvchilarning tashabbuslarini qo‘llab-quvvatlash;
• kommunikativ va tashkilotchilik qobiliyatlarini rivojlantirish;
• media va raqamli savodxonlikni oshirish;
• kasbga yo‘naltirish bo‘yicha tavsiyalar berish;
• maktabdagi sog‘lom ijtimoiy muhitni shakllantirish.

Mavzu haqida batafsil ma’lumotni Maktab maslahatchisi o‘zi kim? maqolasida o‘qishingiz mumkin.

Maktab maslahatchisi lavozimiga qanday ariza topshiriladi?

Tanlov edu uz ariza topshirish

Tanlovda qatnashish uchun nomzodlar maxsus platforma orqali ro‘yxatdan o‘tadi. Jarayon ikki bosqichdan iborat:

1. Test sinovi
2. Suhbat bosqichi

Test va suhbatdan muvaffaqiyatli o‘tgan nomzodlar maktab maslahatchisi lavozimiga ishga qabul qilinadi.

Mazkur lavozim uchun odatda pedagogika yoki psixologiya yo‘nalishidagi oliy ma’lumotga ega nomzodlarga ustunlik beriladi. Shu bilan birga, ish staji talab qilinmasligi sababli yangi bitirgan yoshlar ham ariza topshirishlari mumkin.

Maktab maslahatchisi test savollari qanday bo‘ladi?

Nomzodlar uchun tashkil etiladigan test sinovlari asosan quyidagi yo‘nalishlarni qamrab oladi:

• pedagogika;
• yosh psixologiyasi;
• nizolarni boshqarish;
• “Ta’lim to‘g‘risida”gi qonun;
• media va raqamli savodxonlik.

Maktab maslahatchisi test savollari orasida vaziyatli topshiriqlar ham uchrashi mumkin. Masalan, o‘quvchi bilan ishlash, konfliktlarni hal qilish yoki kasbga yo‘naltirishga oid savollar beriladi.

Maktab maslahatchisi oylik maoshi qancha?

2026-yil holatiga ko‘ra, maktab maslahatchisi oylik maoshi umumiy o‘rta ta’lim muassasasi direktori o‘rinbosari maoshiga tenglashtirilgan.

Taxminiy maoshlar:

• 4,8 mln so‘mdan boshlab;
• ayrim maktablarda 5,8 mln so‘mdan yuqori.

Bundan tashqari, menejerlik sertifikatiga ega xodimlarga 2026-yil 1-sentyabrdan boshlab oylik maoshining 30 foizi miqdorida qo‘shimcha ustama ham beriladi.

Hozirda respublika bo‘yicha jami 10 ming 146 ta maktabda bittadan maktab maslahatchisi faoliyat yuritishi rejalashtirilgan.