Klinik ordinaturaga qabul 2024: Hujjatlar va tartib

Klinik ordinaturaga qabul: 2024-2025-o‘quv yili uchun muhim ma’lumotlar

Tibbiyot oliy ta’lim muassasalari va ularning filiallarida klinik ordinaturaga (rezidentura) qabul jarayoni rasman boshlandi. Sog‘liqni saqlash vazirligi tomonidan tasdiqlangan reja asosida abituriyentlar o‘z hujjatlarini topshirishlari mumkin.

Qabul jarayoni: muddatlar va manzillar

Klinik ordinaturaga hujjatlar qabul qilish 2024-yilning 20-avgustigacha (shu kuni ham) davom etadi. Qabul jarayoni quyidagi muassasalarda amalga oshiriladi:

• Tibbiyot oliy ta’lim muassasalari va ularning filiallari;
• Tibbiyot xodimlarining kasbiy malakasini rivojlantirish markazi;
• Respublika ixtisoslashtirilgan ilmiy-amaliy tibbiyot markazlari;
• Ilmiy-tadqiqot institutlari.

Hujjat topshirish tartibi va kerakli hujjatlar

Ro‘yxatdan o‘tish jarayoni bevosita yoki tashkilotlarning rasmiy veb-saytlari orqali onlayn tarzda amalga oshiriladi. Abituriyentlar uchun abituriyentlar uchun mo‘ljallangan ma’lumotlarimizni kuzatib borish tavsiya etiladi.

Kerakli hujjatlar ro‘yxati:

• Klinik ordinatura mutaxassisligi ko‘rsatilgan holda, OTM yoki nodavlat tibbiyot muassasasi rahbari nomiga ariza;
• Oliy ma’lumot to‘g‘risidagi hujjat yoki diplomdan ko‘chirma;
• 086-U-shakldagi tibbiy ma’lumotnoma;
• O‘qishga kirishda imtiyoz beruvchi hujjat (agar mavjud bo‘lsa).

Qabul rejasi va qo‘shimcha ma’lumotlar

Sog‘liqni saqlash vazirining buyrug‘i bilan 2024-2025-o‘quv yili uchun klinik ordinaturaga umumiy va maqsadli qabul rejasi tasdiqlandi. Ta’lim yo‘nalishlari va ularning o‘ziga xosliklari haqida ko‘proq ma’lumot olish uchun Kirish ballari yo'nalishlar kesimida sahifasiga o‘tishingiz mumkin.

Umumiy va maqsadli qabul rejasi bilan ushbu havola orqali batafsil tanishib chiqishingiz mumkin.