Jizzax viloyatida o'tkazilgan tezkor tadbir davomida 23 yoshli xorijlik talaba 191,2 million so'mlik kripto-aktivlarni noqonuniy ayirboshlaganlikda ayblanmoqda.
Bu haqda Kiberxavfsizlik markazi xabar berdi. Aniqlanishicha, huquqbuzar ayni paytda Toshkent shahrining Olmazor tumanida vaqtincha ro'yxatda turuvchi, Misr Arab Respublikasi fuqarosi bo'lgan oliy ta'lim muassasasi talabasidir.
Noqonuniy kiberfaoliyat qanday fosh etildi
Jizzax viloyati IIB Kiberjinoyatchilikka qarshi kurashish boshqarmasi xodimlari tomonidan talabaning mobil telefoni qonuniy tartibda tekshirilganda, unda kripto-aktivlarni saqlash, qabul qilish va o'tkazish uchun mo'ljallangan elektron hamyon ilovasi borligi aniqlangan.
Ushbu elektron hamyon orqali jami 191 million 207 ming so'm ekvivalentidagi kripto-aktivlar noqonuniy ravishda ayirboshlangan.
Kripto-aktivlar va javobgarlik
Mutasaddilar raqamli platformalar, elektron hamyonlar va virtual aktivlardan foydalanishda qonun talablariga qat'iy rioya etish zarurligini eslatib o'tdi. Internetda sodir etilgan huquqbuzarliklar ham real hayotdagi qonunbuzarliklar kabi huquqiy javobgarlikka sabab bo'ladi.
Yurtimizda raqamli jinoyatchilikka qarshi kurashish choralari kuchaytirilmoqda va kiberjinoyatlarning oldini olish boyicha targ'ibot ishlari olib borilmoqda.
Tergov va jinoyat ishi
Viloyat IIB Axborot xizmati xodimi Baxtiyor Tog'ayevning ma'lum qilishicha, holat yuzasidan to'plangan hujjatlar rasmiylashtirilib, Jinoyat kodeksining 278-8-moddasi 2-qismi bilan jinoyat ishi qo'zg'atilgan. Hozirda tergov harakatlari davom ettirilmoqda.
Ta'limga oid boshqa yangiliklar va foydali maqolalarni InfoEdu.uz orqali kuzatishingiz mumkin.
Reklama
Izohlar (0)
Izoh yozish uchun tizimga kiring.