Ko'pchilik bakalavriatda ingliz tili guruhida o'qigan bitiruvchilar magistraturaga sertifikatsiz topshira olamiz deb o'ylaydi. Afsuski, bu noto'g'ri.
Bakalavriat bosqichiga o'zbek yoki rus tili kvotasi bo'yicha qabul qilinib, keyinchalik universitetdagi ingliz tili guruhida tahsil olgan bitiruvchilar magistraturaga hujjat topshirishda xorijiy til sertifikatini taqdim etishlari shart.
Bunga sabab — talaba Davlat komissiyasi tomonidan ajratilgan o'zbek, rus yoki qardosh tillar kvotasi asosida o'qishga qabul qilingan hisoblanadi. Universitet kengashi qarori bilan tashkil etilgan ingliz tili guruhida o'qishni tamomlaganlik esa xorijiy til sertifikatini taqdim etish majburiyatidan ozod etmaydi.
Magistratura uchun qanday til sertifikatlari kerakligi haqida avval batafsil yozgan edik — talablar barcha uchun bir xil.
Xorijiy til sertifikati talab qilinmasligi uchun abituriyent bakalavriatga dastlab xorijiy tilda (ingliz, fransuz, nemis va boshqa tillarda) ajratilgan kvota bo'yicha qabul qilingan bo'lishi lozim. Faqat shu holatdagina magistraturada sertifikat talab etilmaydi.
Eslatib o'tamiz, magistratura bosqichiga hujjatlar my.edu.uz va my.gov.uz platformalari orqali qabul qilinmoqda.
Magistraturaga tayyorgarlik va qabul jarayonlari bo'yicha eng muhim yangiliklarni InfoEdu.uz orqali kuzatib boring.
Reklama
Izohlar (0)
Izoh yozish uchun tizimga kiring.