Harbiy xizmatchilar farzandlari uchun o‘tish bali e‘lon qilindi

Harbiy xizmatchilarning farzandlari uchun ajratilgan qo‘shimcha davlat granti kvotasining o‘tish ballari e‘lon qilindi. Kvota ajratilgan 8 ta tashkilot ro‘yxati, kvotalar soni hamda o‘tish bali jadvalda berilgan, deya ma’lum qildi Xushnudbek Xudoyberdiyev.

8 ta tashkilot bo‘yicha o‘tish ballari

Eng past va eng yuqori ball qayerda?

Eng past o‘tish bali Milliy gvardiyaga to‘g‘ri kelgan — 68 ball. Bu grant uchun minimal o‘tish balining chegarasi hisoblanadi, ya’ni 68 dan kam to‘plaganlar hech qanday holatda grantga tavsiya etilmaydi. Shuning uchun katta ehtimol bilan Milliy gvardiya uchun ajratilgan 731 ta kvota to‘liq o‘zlashtirilmagan bo‘lishi mumkin. 68 balldan oshira olgan Milliy gvardiya xodimlarining barcha farzandlari o‘zlari tanlagan istalgan yo‘nalishga 4 yillik grant asosida qabul qilingan.

Eng yuqori o‘tish bali esa Ichki ishlar vazirligida — 167 ball. IIV uchun ajratilgan 124 ta kvota uchun raqobat ancha yuqori bo‘lgani ko‘rinib turibdi.

IIV xodimlari uchun alohida imtiyoz

Bundan tashqari, IIV xodimlari uchun 1 828 ta qo‘shimcha grant kvotasi ham ajratilgan bo‘lib, u yerda o‘tish bali 78,6 ballni tashkil qilgan. Ya’ni 78,6 balldan oshirgan IIV xodimlarining farzandlari o‘zlari tanlagan istalgan yo‘nalishga 4 yillik grant asosida qabul qilingan.

Xushnudbek Xudoyberdiyev bu holatni izohlar ekan, boshqa sohada esa 189 ball bilan kontraktga kirilayotgani, 183 ball bilan esa o‘qishdan yiqilayotgani haqida fikr bildirgan. Uning so‘zlariga ko‘ra, bu taqqoslash adolat masalasini ko‘rsatadi.

Avvalroq harbiy tavsiyanomali abituriyentlar uchun qo‘shimcha kvotalar qanday taqsimlanishi haqida yozgan edik. InfoEdu.uz orqali ta’limga oid eng muhim yangiliklarni muntazam kuzatib boring.