Farg‘ona viloyatida kuzatilayotgan anomal issiq sababli 2026-yil 16–17-iyul kunlari viloyatdagi barcha davlat va nodavlat maktabgacha ta'lim tashkilotlari faoliyati vaqtincha to‘xtatiladi.
Bu haqda Farg‘ona viloyati hokimligi Axborot xizmati ma'lum qildi. Qayd etilishicha, mazkur qaror shahar va tuman hokimlarining tegishli farmoyishlari asosida qabul qilingan.
Qaysi bog‘chalar faoliyati to‘xtatiladi?
Reklama
Vaqtinchalik cheklov Farg‘ona viloyatidagi:
- davlat maktabgacha ta'lim tashkilotlari;
- nodavlat maktabgacha ta'lim tashkilotlariga tatbiq etiladi.
Bog‘chalar qachondan yana ishlaydi?
Maktabgacha ta'lim tashkilotlari 2026-yil 20-iyul (dushanba) kunidan boshlab odatdagi tartibda o‘z faoliyatini davom ettiradi.
Ota-onalarga tavsiyalar
Viloyat hokimligi ota-onalardan farzandlari salomatligiga alohida e'tibor qaratishni so‘radi.
Jumladan, quyidagilar tavsiya etilgan:
- bolalarni kunning eng issiq vaqtlarida uzoq muddat ochiq havoda qoldirmaslik;
- yetarli miqdorda suyuqlik iste'mol qilishini ta'minlash;
- shifokorlar tavsiyalariga qat'iy amal qilish.
InfoEdu.uz o‘rganishicha, anomal issiq sababli avvalroq Qoraqalpog‘istonning ayrim hududlarida bog‘chalar faoliyati vaqtincha to‘xtatilgani, Xorazm viloyatidagi barcha davlat bog‘chalari 4 kunga yopilgani hamda Jizzax viloyatining ayrim hududlaridagi 103 ta bog‘cha vaqtincha yopilgani haqida ham xabar berilgan edi.
Izohlar (0)
Izoh yozish uchun tizimga kiring.