Dars soatlari taqsimoti qanday amalga oshiriladi?
Umumta’lim muassasalarida dars soatlarini taqsimlash va tarifikatsiya ro‘yxatlarini shakllantirish tartibi amaldagi Nizomga muvofiq amalga oshiriladi. Pedagog xodimlar uchun dars soatlari ma’lum bir ustuvorlik ketma-ketligi asosida ajratiladi.
O‘qituvchilar uchun dars soatlarini olishdagi ustuvorliklar
Nizomning 15-bandiga ko‘ra, quyidagi toifadagi pedagoglar dars soatlarini olishda ustunlikka ega:
- Xalqaro olimpiadalar g‘oliblarini tayyorlagan o‘qituvchilar;
- O‘qituvchi bo‘lib faoliyat yuritayotgan xalqaro olimpiadalar g‘oliblari;
- Chet tili va STEAM fanlaridan xalqaro sertifikatlarga ega o‘qituvchilar (TESOL, CEFR, IELTS va b.);
- TOP-1000 universitetlar reytingiga kiruvchi oliygohlarni bitirganlar;
- Asosiy olimpiadalarning respublika bosqichi g‘oliblarini tayyorlagan o‘qituvchilar;
- Respublika bosqichidagi ko‘rik tanlovlarda g‘olib bo‘lganlar;
- Oliy va birinchi malaka toifasiga ega pedagoglar.
Shuningdek, o‘qituvchilarning kasbiy mahoratini oshirish va pedagog attestatsiya jarayonlaridan muvaffaqiyatli o‘tishlari ularning dars soatlari hajmini belgilashda muhim ahamiyat kasb etadi.
Dars soatlarini taqsimlashning qo‘shimcha shartlari
Ustunlikka ega o‘qituvchilarga maksimal dars soatlari belgilanishi tavsiya etiladi. Agar yuqori toifali o‘qituvchi yozma rozilik bersa, unga ajratilgan dars soatlari boshqa hamkasblariga taqsimlanishi mumkin. Pedagogik faoliyatni endi boshlayotgan yoshlar esa oliygohlar bitiruvchilari sifatida belgilangan tartibda dars soatlari bilan ta’minlanadilar.
Asos: lex.uz
Bu yangilik sizga qanday ta’sir qildi? Fikringizni yozib qoldiring.
Izohlar (0)
Izoh yozish uchun tizimga kiring.