Chet tilini bilish darajasi natijalari e’lon qilindi

Chet tilini bilish darajasi test natijalari e’lon qilindi

2024-yil 22-sentabrdan 4-oktabrgacha bo‘lib o‘tgan chet tilini bilish darajasini aniqlash test sinovlari natijalari rasmiy e’lon qilindi. Endilikda talabgorlar o‘z natijalarini masofaviy tarzda tekshirishlari mumkin.

Natijalarni qanday ko‘rish mumkin?

Talabgorlar o‘z natijalari bilan tanishish uchun quyidagi amallarni bajarishlari kerak:

• my.gov.uz portaliga kiring;
• “Mening arizalarim” bo‘limiga o‘ting;
• Test natijalaringizni ko‘rib chiqing.

Test sinovidan muvaffaqiyatli o‘tgan va belgilangan ballni to‘plagan talabgorlar o‘z sertifikatlarini elektron shaklda yuklab olishlari mumkin. Agar siz milliy sertifikat sanalari bilan qiziqsangiz, saytimizdagi ma'lumotlarni kuzatib boring.

Apellatsiya shikoyati

Agar talabgor test natijalaridan norozi bo‘lsa, natijalar e’lon qilinganidan boshlab 3 kun ichida my.gov.uz sayti orqali apellatsiya shikoyati berish huquqiga ega.

Eslatib o‘tamiz, abituriyentlar uchun taqdim etilayotgan ushbu imkoniyatlar xalqaro standartlarga mos sertifikatlarni qo‘lga kiritishda muhim qadamdir. Batafsil ma'lumot uchun infoedu.uz saytiga tashrif buyuring.