Pedagoglar uchun malaka toifa sinovlari 29-oktabrdan boshlanadi

Pedagoglar uchun malaka toifa sinovlari: 29-oktabrdan boshlanadi

Maktabgacha, umumta’lim va maktabdan tashqari ta’lim muassasalari pedagoglari uchun 2024-yil 29-oktabrdan boshlab malaka toifa sinovlari boshlanadi va 16-noyabrga qadar davom etadi. Mazkur jarayon haqida batafsil ma'lumotlarni pedagog kadrlar attestatsiyasi sahifasidan olishingiz mumkin.

Sinov vaqtiga oid muhim eslatma:

• Matematika, informatika va axborot texnologiyalari, kimyo, biologiya, fizika fanlari uchun — 120 daqiqa
• Qolgan fanlar uchun — 90 daqiqa

Malaka sinovlarining bosqichlari:

1. Birinchi bosqich: Mutaxassislik fani va kasbiy standartlar bo‘yicha bilim darajasini aniqlash uchun 40 ta test (mutaxassislikdan 35 ta, kasbiy standartlardan 5 ta) beriladi. To‘g‘ri javoblar 2 ball bilan baholanib, jami 80 ball beriladi.
2. Ikkinchi bosqich: Pedagogik mahoratni aniqlash uchun ilg‘or uslub va texnologiyalardan foydalangan holda 10 ta topshiriq beriladi. To‘g‘ri javoblar 2 ball bilan baholanadi va jami 20 ball to‘plash mumkin.

Pedagoglar o'z bilimlarini sinab ko'rish uchun DTM standartidagi test tizimi orqali tayyorgarlik ko'rishlari mumkin. Shuningdek, barcha o‘quv fanlaridan @uztditestbot (o‘zbek tilida), @uztdi_qrtestbot (qoraqalpoq tilida) va @uztdi_rustestbot (rus tilida) botlari orqali bepul onlayn repetitsiyalarda qatnashishingiz mumkin.

Batafsil ma'lumot uchun infoedu.uz saytiga tashrif buyuring.