Yakuniy imtihon 2025: 9- va 11-sinflar uchun rasmiy tartib
Maktabgacha va maktab ta’limi vazirligining 2025-yil 20-fevraldagi 65-sonli buyrug‘iga ko‘ra, 2024/2025-o‘quv yilida yakuniy davlat attestatsiyasi (YDA) o‘tkazish tartibi tasdiqlandi.
Imtihon sanalari
- 9- va 11-sinflar uchun: 2025-yil 26-maydan 15-iyungacha
- Jismoniy tarbiya (9-sinf): 1–6-may
- Kasbiy ta’lim (11-sinf): 17–20-iyun
Imtihon fanlari
9-sinf o‘quvchilari ona tili, matematika, O‘zbekiston tarixi va jismoniy tarbiya fanlaridan imtihon topshiradi. 11-sinf o‘quvchilari esa ona tili, matematika, tarix hamda tanlov asosidagi 2 ta fandan sinovdan o‘tadilar.
Imtihonlarga tayyorgarlik ko‘rishda maktab darsliklarini yuklab olish orqali bilimingizni mustahkamlang.
Sertifikati bor o‘quvchilar uchun imtiyoz
Milliy yoki xalqaro milliy sertifikat sanalari asosida tegishli fanlardan sertifikatga ega o‘quvchilar YDA topshirmaydi va sertifikat bahosi bilan baholanadi.
Imtihon o‘tkazish tartibi
- Yozma imtihonlar uchun savollar imtihondan bir kun oldin qur’a tashlash yo‘li bilan aniqlanadi.
- Tanlangan variantlar vazirlikning rasmiy saytida e’lon qilinadi.
- Respublika bo‘yicha barcha maktablarda bir xil variantlar qo‘llaniladi.
Ushbu o‘zgarishlar o‘quvchilarning bilim saviyasini xolis baholashga qaratilgan.
Izohlar (0)
Izoh yozish uchun tizimga kiring.