Xorijda o'qiyotgan, lekin O'zbekistondagi nodavlat oliygohda o'qishni davom ettirmoqchi bo'lgan talabalar uchun muhim yangilik. Endilikda xorijdan nodavlat OTMga o'qishni ko'chirish to'liq onlayn tartibda, my.uzbmb.uz portali orqali amalga oshiriladi.
Yangi tartibga ko'ra, o'qishni ko'chirish Bilim va malakalarni baholash agentligi (BMBA) tomonidan o'tkaziladigan test sinovlari asosida amalga oshiriladi. Belgilangan o'tish balini to'plagan nomzodlargina ko'chirishga tavsiya etiladi.
Reklama
Qo'shimcha ball beruvchi sertifikatlar
Xorijdan nodavlat oliygohlarga o'qishni ko'chirishda quyidagi sertifikatlar qo'shimcha ball beradi:
- Umumta'lim fanlari bo'yicha milliy sertifikatlar;
- Chet tili bo'yicha milliy va xalqaro sertifikatlar.
Ariza muddati — atigi 3 hafta
Eng muhim jihat: arizalar BMBAning rasmiy sayti orqali qabul qilinishi sababli, endilikda faqat 15-iyuldan 5-avgustga qadar ariza topshirish mumkin. Bu — atigi 3 hafta. Shu muddatni qo'ldan boy bermaslik kerak.
O'qishni ko'chirish bo'yicha boshqa yangiliklar va ta'limga oid eng muhim ma'lumotlarni InfoEdu.uz orqali muntazam kuzatib boring.
Izohlar (0)
Izoh yozish uchun tizimga kiring.