Ayrim xorijiy til sertifikatlari endi tan olinmaydi
Oliy taʼlim, fan va innovatsiyalar vazirligi hamda Maktabgacha va maktab taʼlimi vazirligi tomonidan “Xorijiy tillar va umumtaʼlim fanlarini bilish darajasini belgilovchi milliy va xalqaro tan olingan sertifikatlar roʻyxatini tasdiqlash toʻgʻrisida” qaror qabul qilindi.
Mazkur qaror Adliya vazirligida 2024-yil 29-may kuni 3515-raqam bilan roʻyxatdan oʻtkazilgan va shu kundan boshlab kuchga kirgan.
Qaysi sertifikatlar tan olinmaydi?
Qarorga ko‘ra, 2024-yil 29-maydan keyin olingan quyidagi sertifikatlar ta’lim tashkilotlariga ishga qabul qilishda inobatga olinmaydi:
- Teaching Knowledge Test (TKT)
- Teaching English for Speakers of Other Languages (TESOL)
- Teaching English as a Foreign Language (TEFL)
- Teaching English as a Second Language (TESL)
Mazkur sertifikatlar endilikda xorijiy til o‘qituvchilari uchun ishga joylashishda ustunlik bermaydi.
Qarorning asosiy maqsadi
Ushbu o‘zgarish orqali ta’lim sohasida faqat milliy va xalqaro darajada rasman e’tirof etilgan sertifikatlarni qo‘llash maqsad qilingan. Bu esa o‘qituvchilarning bilim darajasini yanada aniq baholashga xizmat qiladi.
O‘qituvchilar uchun muhim o‘zgarish
Mazkur qaror xorijiy til o‘qituvchilari uchun muhim yangilik hisoblanadi. Endi yuqoridagi sertifikatlarni olgan shaxslar ta’lim muassasalariga ishga qabul qilishda qo‘shimcha ustunlikka ega bo‘lmaydi.
Shu sababli, o‘qituvchilarga rasmiy tan olingan milliy yoki xalqaro sertifikatlarni olish tavsiya etiladi.
Izohlar (0)
Izoh yozish uchun tizimga kiring.