Tibbiyot OTMlarida super-kontrakt tugatilishi mumkin
2026/2027-o‘quv yilidan boshlab tibbiyot oliy ta’lim muassasalarida qabul va o‘qitish tizimida muhim o‘zgarishlar joriy etilishi kutilmoqda. Ulardan eng muhimlaridan biri — bakalavriat bosqichida oshirilgan to‘lov-kontrakt (super-kontrakt) asosida talabalikka qabul qilish tartibining bekor qilinishi.
Bu o‘zgarish tibbiyot ta’limida moliyaviy yondashuvni qayta ko‘rib chiqishga qaratilgan.
Kontrakt miqdori bozor mexanizmi asosida belgilanadi
Yangi tartibga ko‘ra, kontrakt summasi qat’iy belgilangan miqdor emas, balki bozor mexanizmlari asosida shakllantiriladi.
Bunda:
- mutaxassis tayyorlash uchun sarflanadigan real xarajatlar inobatga olinadi;
- to‘lov miqdori zamonaviy standartlarga muvofiq hisoblanadi.
Bu model orqali kontrakt narxini shakllantirishda shaffoflik va iqtisodiy asos kuchaytirilishi rejalashtirilmoqda.
“Bir talaba — bir bemor” tamoyili joriy etiladi
Tibbiyot talabalari uchun amaliy mashg‘ulotlar tizimi ham kuchaytiriladi. “Bir talaba — bir bemor” tamoyili asosida:
- statsionar va ambulator sharoitda individual ishlash tartibi yo‘lga qo‘yiladi;
- har bir talaba haftasiga kamida uch marta bevosita bemor bilan ishlashi shart bo‘ladi.
Bu yondashuv nazariy bilim bilan bir qatorda real klinik tajribani mustahkamlashga qaratilgan.
Super-kontrakt masalasi ilgari ham ko‘tarilgan
2023-yilda Amrillo Inoyatov tibbiyot sohasida super-kontraktni bekor qilish bo‘yicha hukumatga taklif kiritilganini ma’lum qilgan edi.
Endilikda ushbu taklif amaliy bosqichga o‘tishi mumkin.
Javoblar (0 )