Talabalarga ta’lim krediti berishning yangi tartibi tasdiqlandi

Talabalar va abituriyentlar uchun muhim yangilik e'lon qilindi.

Qisqacha mazmun:
2021/2022 o‘quv yilidan boshlab talabalarga 7 yil muddatga 14 foizlik ta’lim krediti ajratiladi.
Unga ko'ra: tijorat banklari Markaziy bankning asosiy stavkasi (14%)da ta’lim krediti ajratadi.
Eslatma: endilikda nafaqat ikki va undan ortiq farzandi to‘lov-shartnoma asosida o‘qiyotgan oilalarga, balki to‘lov-shartnoma asosida tahsil olayotgan barcha talabalarga birdek imtiyozli ta’lim krediti berilishi nazarda tutilmoqda.

---

Hujjatga muvofiq, 2021/2022 o'quv yilidan barcha oliy ta’lim muassasalari bakalavriatining kunduzgi ta’lim shakli hamda magistratura bosqichida to'lov-kontrakt to'lov asosida tahsil olish uchun kredit ajratishning yangi tizimi yo'lga qo'yiladi.

2021/2022 o‘quv yilidan boshlab talabalarga 7 yil muddatga 14 foizlik ta’lim krediti ajratiladi.

Unga ko'ra:

• tijorat banklari Markaziy bankning asosiy stavkasi (14%)da ta’lim krediti ajratadi. Resurs Moliya vazirligi tomonidan joylashtiriladi;
• talaba kreditni o'qishni rasman tamomlagach, yettinchi oydan boshlab yetti yil davomida qaytaradi.
• kreditni rasmiylashtirishda talabaning doimiy daromad manbaiga ega oila a’zolari birgalikdagi qarz oluvchi sifatida qatnashishishga ruxsat beriladi.
• “Ijtimoiy himoya yagona reyestri"ga kirgan oilalar farzandlaridan kredit uchun garov va kafillik talab qilinmaydi.
• ta’lim kreditlari bo'yicha tijorat banklarini moliyaviy resurslar bilan ta’minlash uchun Moliya vazirligi huzurida Ta’lim kreditini moliyalashtirish jamg'armasi tuziladi (yuridik shaxs bo'lmaydi). Jamg'armaga 2021-yilda kamida 1 trln so'm, keyingi yillardan haqiqiy talabdan kelib chiqib mablag' ajratiladi.
• jamg'arma tijorat banklariga Markaziy bank asosiy stavkasidan 4% bandga past bo'lgan stavkada resurslar ajratadi. Asosiy stavka pasaysa, kredit va resurs stavkasi ham pasayadi, agar oshsa, o'zgarishsiz qoladi.

Eslatma: endilikda nafaqat ikki va undan ortiq farzandi to‘lov-shartnoma asosida o‘qiyotgan oilalarga, balki to‘lov-shartnoma asosida tahsil olayotgan barcha talabalarga birdek imtiyozli ta’lim krediti berilishi nazarda tutilmoqda.

Ta'lim sohasidagi boshqa yangiliklarni kuzatib boring.