Oliy ta’limda stipendiya tayinlash tartibi
O‘zbekistondagi oliygohlar talabalari uchun stipendiya masalasi doimo dolzarb. Ko‘pchilikni talaba “5” bahoga o‘qimasa, stipendiya to‘xtatiladimi degan savol qiziqtiradi. Quyida ushbu tartib haqida batafsil ma’lumot beramiz.
Grant asosida o‘qiydiganlar uchun talablar
Ma’lumki, davlat granti asosida o‘qishga kirgan talabalarga bazaviy 517 880 so‘m miqdorida stipendiya to‘lanadi. Biroq, ushbu to‘lovni saqlab qolish uchun o‘zlashtirish ko‘rsatkichlari muhim ahamiyatga ega:
- O‘quv semestri yakunida fanlarning 30 foiz va undan ortiq qismi “qoniqarli” baho (71 foizdan past) bo‘lsa, keyingi semestrda stipendiya to‘lanmaydi.
- Stipendiya olishni davom ettirish uchun talaba dasturning kamida 70 foizini 71 foizdan yuqori ko‘rsatkich bilan o‘zlashtirishi kerak.
Kontrakt asosida o‘qiydigan talabalar
To‘lov-kontrakt asosida o‘qiydigan talabalar stipendiyali shartnoma pulini to‘lasalar, ularga ham oylik stipendiya beriladi. Shuningdek, semestrni a’lo baholarga yakunlagan kontrakt talabalariga ham oyiga 100 ming so‘mdan sal ko‘proq qo‘shimcha stipendiya to‘lanadi.
Sohaga oid boshqa muhim yangiliklar va foydali ma’lumotlarni talaba rukni orqali kuzatib borishingiz mumkin.
Izohlar (0)
Izoh yozish uchun tizimga kiring.