Super-kontrakt bilan o‘qishga kirish tartibi
Joriy yilgi test sinovlarida o‘zlashtirgan ballari asosiy tanlovdan o‘tish uchun yetarli bo‘lmagan abituriyentlar uchun super-kontrakt (tabaqalashtirilgan to‘lov-kontrakt) tizimi mavjud. Bu imkoniyat abituriyentlarga o‘qishga kirish imkonini beradi.
Siz o‘zingizni qiziqtirgan kirish ballari yo'nalishlar kesimida tekshirib, qancha ball yetmaganini aniqlab olishingiz mumkin. Shuningdek, abituriyentlar uchun barcha yangiliklarni kuzatib boring.
Tabaqalashtirilgan kontrakt narxlari qanday hisoblanadi?
Kontrakt miqdori abituriyent to‘plagan ball va kirish bali o‘rtasidagi farqqa qarab belgilanadi:
- 1,05 ballgacha yetmaganlar – bazaviy kontraktning 1,5 barobari;
- 1,06 balldan 2,05 ballgacha yetmaganlar – bazaviy kontraktning 2 barobari;
- 2,06 balldan 3,05 ballgacha yetmaganlar – bazaviy kontraktning 2,5 barobari;
- 3,06 balldan 4,05 ballgacha yetmaganlar – bazaviy kontraktning 3 barobari.
4,05 balldan ko‘proq yetmay qolgan, ammo 56,7 balldan kam bo‘lmagan abituriyentlar uchun kontrakt miqdori ta’lim yo‘nalishlariga qarab belgilanadi.
Muhim eslatma
Yangi o‘quv yili uchun bazaviy kontrakt miqdorlari tasdiqlangach, super-kontrakt narxlari ham rasman e’lon qilinadi. Shundan so‘ng, abituriyentlar tanlagan oliy ta’lim muassasasiga murojaat qilishlari mumkin.
Izohlar (0)
Izoh yozish uchun tizimga kiring.