Prezident maktablariga kirish imtihonlari o‘tkazilgach, ota-onalar orasida eng ko‘p beriladigan savollardan biri — nima uchun javoblar ruchkada emas, qalamda belgilanadi?
Ayrimlar buni imtihon jarayonidagi xatolarni o‘zgartirish imkoniyati yoki boshqa sabablar bilan bog‘lasa-da, aslida buning sababi butunlay boshqacha.
Qalamdan foydalanish kimning talabi?
Reklama
Prezident maktablariga kirish imtihonlarini Buyuk Britaniyaning Cambridge Assessment tashkiloti ishlab chiqadi va tashkil etadi.
Mazkur tashkilot:
- test savollarini tayyorlaydi;
- javob varaqalarini yig‘adi;
- natijalarni tekshiradi;
- yakuniy natijalarni e’lon qiladi.
Imtihonlarda javoblarni aynan qalam bilan belgilash talabi ham Cambridge Assessment tomonidan belgilangan.
Nega aynan qalam ishlatiladi?
Bu talab bolalar psixologiyasi bo‘yicha mutaxassislarning tavsiyalariga asoslanadi.
Ruchka bilan yozilganda xatoni o‘chirib bo‘lmaydi. Bu esa ayrim bolalarda:
- hayajonning ortishi;
- xato qilishdan qo‘rqish;
- stressning kuchayishiga
sabab bo‘lishi mumkin.
Qalam esa xatoni o‘chirib, javobni to‘g‘rilash imkonini beradi. Natijada o‘quvchi o‘zini xotirjamroq his qiladi va bilimini erkinroq namoyish etadi.
Bu amaliyot faqat O‘zbekistondagina qo‘llaniladimi?
Yo‘q.
Boshlang‘ich ta’limda qalamdan foydalanish dunyoning ko‘plab davlatlarida keng qo‘llaniladi. Xususan, Buyuk Britaniya va boshqa rivojlangan mamlakatlar maktablarida ham o‘quvchilar, ayniqsa kichik sinflarda, yozuv ishlari uchun qalamdan foydalanadi.
Qalam ishlatilishi korrupsiya bilan bog‘liqmi?
Yo‘q.
Qalamdan foydalanishning korrupsiya yoki javoblarni keyinchalik o‘zgartirish bilan hech qanday aloqasi yo‘q.
Bu tartib xalqaro imtihon tashkilotchisi tomonidan belgilangan standart bo‘lib, uning asosiy maqsadi bolalar uchun qulay va stresssiz imtihon muhitini yaratishdan iborat.
Izohlar (0)
Izoh yozish uchun tizimga kiring.