O‘rtacha o‘tish bali grantda 134,6, kontraktda 93,7 ball bo‘ldi

Joriy yilda oliy ta’limga kirishda o‘rtacha o‘tish ballari o‘tgan yilga nisbatan oshdi. Davlat granti bo‘yicha o‘rtacha o‘tish bali 134,6 ballni, to‘lov-kontrakt asosida esa 93,7 ballni tashkil etgan. Bu 18-avgust kuni Oliy ta’lim, fan va innovatsiyalar vazirligida o‘tkazilgan matbuot anjumanida ma’lum qilindi.

Ballar qanday o‘zgardi?

Vazir o‘rinbosari Sardor Rajabovning ma’lum qilishicha, yakuniy tanlov natijalariga ko‘ra davlat granti asosida o‘rtacha o‘tish bali 134,6 ball, to‘lov-kontrakt bo‘yicha esa 93,7 ballni tashkil etgan:

Qancha abituriyent tavsiya etildi?

Yakuniy tanlov natijalariga ko‘ra, bakalavriat ta’lim yo‘nalishlariga 209,1 ming nafar abituriyent talabalikka tavsiya etilgan. Shundan 52,8 ming nafari davlat granti asosida, 156,3 ming nafari to‘lov-kontrakt asosida o‘qishga tavsiya etilgan. Belgilangan imtiyozlar bo‘yicha alohida qabul ko‘rsatkichlari doirasida esa yana 20,5 ming nafar abituriyent tavsiya etilgan.

Eslatib o‘tamiz, avvalroq 233 mingdan ortiq abituriyent 56,7 ball to‘play olmagani haqida yozgan edik. InfoEdu.uz orqali ta’limga oid eng muhim yangiliklarni muntazam kuzatib boring.