Nodavlat oliygoh talabalariga ijara puli to’lanadimi?

Nodavlat oliygoh talabalariga ijara puli qoplab beriladimi?

So'nggi vaqtlarda talabalar orasida eng ko'p muhokama qilinayotgan savollardan biri: nodavlat oliy ta'lim muassasalarida o'qiydigan yoshlarga ham ijara to'lovi qoplab beriladimi?

Qaror nima deydi?

Vazirlar Mahkamasining 24.09.2021-yildagi 605-sonli qarorida ijara to'lovini qoplab berish tartibi aniq belgilangan. Unga ko'ra, davlat budjeti hisobidan ijara puli faqat quyidagi toifadagi talabalarga to'lab beriladi:

• Davlat oliy ta'lim muassasalarida tahsil olayotganlar;
• Kunduzgi ta'lim shaklida o'qiydiganlar;
• Davlat granti yoki to'lov-kontrakt asosida o'qiydiganlar;
• Ijara huquqi asosida yashaydiganlar.

Qarorda nodavlat (xususiy) oliygoh talabalari uchun ijara pulini qoplab berish bo'yicha hech qanday qoida ko'zda tutilmagan. Shu sababli, ushbu imtiyoz faqat davlat OTMlari uchun amal qiladi.

Foydali ma'lumotlar

Ta'lim sohasidagi yangiliklar va talabalar uchun foydali maslahatlarni kuzatib boring. Shuningdek, oliygohlar haqidagi ma'lumotlarni oliygohlar kirish ballari sahifasidan topishingiz mumkin.

Bu yangilik sizga qanday ta'sir qildi? Fikringizni yozib qoldiring.