2026/2027-o‘quv yili uchun maktabgacha ta’lim tashkilotlarida faoliyat yuritayotgan o‘rta maxsus ma’lumotli pedagog kadrlar dual ta’lim shakli bo‘yicha bakalavriatning Maktabgacha ta’lim yo‘nalishiga qabul qilinadi. Buning uchun respublika bo‘yicha 10 mingta to‘lov-kontrakt kvotasi ajratilgan.
Shuningdek, dual ta’lim kvotalari ham 2026/2027-o‘quv yili uchun tasdiqlangan umumiy qabul parametrlari tarkibiga kiradi. Boshqa yo‘nalishlar bo‘yicha kvotalar bilan 2026/2027-o‘quv yili qabul kvotalarining to‘liq taqsimoti orqali tanishishingiz mumkin.
Dual ta’lim uchun nechta kvota ajratildi?
Reklama
Tasdiqlangan qabul parametrlariga ko‘ra, jami 10 000 ta kvota ajratilgan. Shundan:
- 8 900 ta – o‘zbek tilida;
- 900 ta – rus tilida;
- 200 ta – qoraqalpoq tilida.
Kvotalar qaysi OTMlarga taqsimlandi?
Dual ta’lim bo‘yicha qabul quyidagi oliy ta’lim muassasalarida amalga oshiriladi:
| Oliy ta’lim tashkiloti | Kvota |
|---|---|
| Andijon davlat pedagogika instituti | 1 000 |
| Qo‘qon davlat universiteti | 1 000 |
| Namangan davlat pedagogika instituti | 1 000 |
| Chirchiq davlat pedagogika instituti | 800 |
| Shahrisabz davlat pedagogika instituti | 800 |
| Termiz davlat pedagogika instituti | 700 |
| O‘zbekiston milliy pedagogika universiteti | 665 |
| Urganch davlat pedagogika instituti | 600 |
| Jizzax davlat pedagogika universiteti | 575 |
| Buxoro davlat pedagogika instituti | 560 |
| Samarqand davlat pedagogika instituti | 550 |
| Nukus davlat pedagogika instituti | 500 |
| Kattaqo‘rg‘on davlat pedagogika instituti | 450 |
| Guliston davlat pedagogika instituti | 400 |
| Navoiy davlat universiteti | 400 |
InfoEdu.uz o‘rganishicha, mazkur qabul parametrlari maktabgacha ta’lim tashkilotlarida faoliyat yuritayotgan o‘rta maxsus ma’lumotli pedagog kadrlar uchun to‘lov-kontrakt asosidagi dual ta’lim shakliga tegishli.
📄 Dual ta’lim bo‘yicha qabul parametrlarining to‘liq taqsimotini yuklab olish:
Izohlar (0)
Izoh yozish uchun tizimga kiring.