Kulinariya va menejment yo’nalishida Fransiyaning mashhur oliygoh filiali ochiladi

Ta'lim tizimida kutilayotgan o'zgarishlar haqida:

Qisqacha mazmun:
Toshkentda kulinariya va menejment yo'nalishida Fransiyaning dunyoga mashhur oliygoh filiali ochiladi Xabaringiz bor, davlatimiz rahbarining 21-22-noyabr kunlari Fransiyaga qilgan tashrifi ikki davlatning strategik munosabatlarini yangi bosqichga olib chiqdi.
Maʼlumot o'rnida, joriy yil 30-iyun kuni vazir A.Toshqulov Fransiyaning Le Cordon Bleu instituti prezidenti va bosh direktori Andre J. Kuantroni qabul qilib, mamlakatimizda ushbu taʼlim muassasasi filialini ochish taklifi bildirilgan edi.
“Le Cordon Bleu” instituti Prezidenti - bosh direktor Andre J. Kuantro ham taʼlim tizimidagi hamkorlikni rivojlantirish borasida o'z takliflarini bildirdi.

---

Toshkentda kulinariya va menejment yo'nalishida Fransiyaning dunyoga mashhur oliygoh filiali ochiladi

Xabaringiz bor, davlatimiz rahbarining 21-22-noyabr kunlari Fransiyaga qilgan tashrifi ikki davlatning strategik munosabatlarini yangi bosqichga olib chiqdi. Bu o'z navbatida oliy taʼlim sohasida ham aloqalarni rivojlantirish va tajriba almashish imkonini ochib berdi. Jumladan, tashrif davomida Toshkentda Fransiyaning pazandachilik akademiyasi Le Cordon Bleu institutini ochish bo'yicha ham kelishuvga erishilgan.

Maʼlumot o'rnida, joriy yil 30-iyun kuni vazir A.Toshqulov Fransiyaning Le Cordon Bleu instituti prezidenti va bosh direktori Andre J. Kuantroni qabul qilib, mamlakatimizda ushbu taʼlim muassasasi filialini ochish taklifi bildirilgan edi.

Uchrashuv avvalida vazir ikki davlat o'rtasida taʼlim sohasidagi o'zaro do'stlik aloqalari, xususan nafaqat fransuz tili va adabiyoti, balki ilm-fan yo'nalishlari ham rivojlanib borayotganligiga to'xtalib o'tdi. Bunda “Le Cordon Bleu” instituti bilan hamkorikni yetarli darajada yo'lga qo'yish maqsadida mamlakatimizda ushbu taʼlim muassasa filialini ochish taklifi bildirilib, bu jarayonga xususiy sektorni ham qo'shish tavsiya etildi.

“Le Cordon Bleu” instituti Prezidenti - bosh direktor Andre J. Kuantro ham taʼlim tizimidagi hamkorlikni rivojlantirish borasida o'z takliflarini bildirdi. Turizm boshqaruvi va kulinariya sohalarida, nafaqat talabalar, balki o'qituvchilarning ham malakasini oshirish reja qilinganligi, talabalarni ish bilan taʼminlash ham muhim masala ekanligini aytdi.

“Ushbu oliy taʼlim muassasasi bilan hamkorlik qilishdan manfaatdormiz”,- deya taʼkidladi uchrashuv so'nggida A.Toshqulov.

“Qolaversa, kulinariya va menejment yo'nalishida birgalikda oliy maʼlumotli kadrlarni tayyorlash jamiyatda sog'lom ovqatlanish tizimini yo'lga qo'yilishiga zamin yaratadi”, - dedi vazir.

Le Cordon Bleu — 1895-yilda tashkil etilgan bo'lib, kulinariya, pazandachilik, restoran va turizm boshqaruvi sohalarida dunyodagi eng ilg'or o'quv muassasasi hisoblanadi. 20 ta davlatda 35 ta filiali faoliyat yuritmoqda. Har yili 100 dan ortiq millat vakillaridan iborat, 20 000 nafar talaba mazkur muassasani bitiradi.

Manba: oliygoh.uz sayti ma'lumotlari asosida tayyorlandi.