Ixtisoslashtirilgan maktablarga kirish imtihonlari natijalari eʻlon qilinmoqda. 27-28-29-iyun kunlari oʻtkazilgan imtihonlarda 5-, 6-, 7-, 9- va 10-sinflar uchun aniq hamda tabiiy fanlar yoʻnalishlari boʻyicha talabgorlar ishtirok etgan edi. Avvalroq natijalar 25-iyulda eʻlon qilinishi haqida xabar bergan edik.
Natijalarni quyidagi havolalar orqali tekshirish mumkin:
Natijalardan norozi boʻlgan talabgorlar amaldagi tartibga muvofiq 3 ish kuni davomida apellyatsiya komissiyasiga murojaat qilish huquqiga ega.
Arizalar soni 58 foizga oshdi
2026/2027-oʻquv yili uchun agentlik tizimidagi ixtisoslashtirilgan maktablarga 217 407 ta ariza kelib tushgan. Oʻtgan yilgi koʻrsatkich 137 870 tani tashkil etgan edi. Bir yil ichida 79 537 ta yoki qariyb 58 foizga oʻsish kuzatilgan.
Viloyatlar kesimida arizalar soni
| Hudud | 2025/2026 | 2026/2027 | Farq |
|---|---|---|---|
| Qoraqalpogʻiston | 10 100 | 13 793 | +3 693 |
| Andijon | 14 312 | 18 875 | +4 563 |
| Buxoro | 6 353 | 11 132 | +4 779 |
| Jizzax | 8 478 | 14 782 | +6 304 |
| Qashqadaryo | 10 773 | 17 110 | +6 337 |
| Namangan | 12 787 | 19 272 | +6 485 |
| Navoiy | 2 935 | 4 992 | +2 057 |
| Samarqand | 14 641 | 20 344 | +5 703 |
| Surxondaryo | 10 546 | 16 047 | +5 501 |
| Sirdaryo | 5 545 | 10 596 | +5 051 |
| Toshkent viloyati | 7 158 | 15 397 | +8 239 |
| Fargʻona | 18 802 | 31 618 | +12 816 |
| Xorazm | 12 373 | 13 930 | +1 557 |
| Toshkent shahri | 3 067 | 9 519 | +6 452 |
| Jami | 137 870 | 217 407 | +79 537 |
Eng koʻp ariza Fargʻona viloyatida — 31 618 ta. Eng kam esa Navoiyda — 4 992 ta. Eng katta oʻsish ham Fargʻonada kuzatilgan: bir yilda +12 816 ta yangi ariza. Toshkent viloyatidagi arizalar soni ikki barobardan koʻproqqa oshgan (+115%).
Talabgorlar sonining keskin oshgani natijalarni tekshirish jarayonining biroz choʻzilishiga sabab boʻlgan. Jadval Ixtisoslashtirilgan taʻlim muassasalari agentligi tomonidan eʻlon qilingan statistika asosida shakllantirilgan.
InfoEdu.uz ixtisoslashtirilgan maktablar va boshqa taʻlim muassasalariga qabul natijalarini tezkor yoritib boradi.
Reklama
Izohlar (0)
Izoh yozish uchun tizimga kiring.