Talabalar uchun ijara to'lovini qoplash tartibi
Davlatimiz tomonidan yoshlarni ijtimoiy himoya qilish doirasida, yotoqxona bilan qamrab olinmagan talabalar uchun muhim imtiyozlar joriy etilgan. Agar siz talabalar uchun ajratilgan ushbu imkoniyatlardan foydalanmoqchi bo'lsangiz, quyidagi qoidalarni bilishingiz zarur.
Ijara to'lovini qoplash shartlari va miqdori
2021-yil 1-maydan boshlab, o'ziga yoki ota-onasiga tegishli bo'lmagan uyda ijara huquqi asosida yashaydigan davlat OTM talabalarining 60 foiziga oylik ijara to'lovining 50 foizi Davlat budjeti hisobidan qoplab beriladi.
- Toshkent shahrida: bazaviy hisoblash miqdorining (BHM) 1 baravarigacha.
- Boshqa hududlarda: bazaviy hisoblash miqdorining 0,5 baravarigacha.
Ushbu yordam birinchi navbatda ehtiyojmand oila farzandlariga, o'rnak ko'rsatgan va faol talabalarga taqdim etiladi. Shuningdek, oliygohlar o'zlarining budjetdan tashqari mablag'lari hisobidan ham talabalarga yordam ko'rsatishlari mumkin.
Qo'shimcha ma'lumotlar
Ta'lim sohasidagi yangiliklar va kirish ballari yo'nalishlar kesimida ma'lumot olish uchun infoedu.uz saytini kuzatib boring. Talabalar uchun yaratilgan imkoniyatlar haqida batafsil ma'lumot olish uchun doimo rasmiy manbalarga tayanishingizni tavsiya qilamiz.
Izohlar (0)
Izoh yozish uchun tizimga kiring.