Eng yuqori ball to‘plagan 200 talaba Prezident grantini oladi

Oliy ta'lim muassasalari bilan bog'liq muhim yangilik:

Qisqacha mazmun:
Kunduzgi ta’lim shakli imtihonlarida eng yuqori ball to‘plagan 200 talaba Prezident grantini oladi.
Agar talaba kontraktga qabul qilingan bo‘lsa ham, Prezident grantiga loyiq ko‘rilsa, grant asosida o‘qiydi!
Lekin agar talaba birorta fanini «a’lo» bahoga yopolmasa ham, keyingi semestrda prezident granti stipendiyasini emas, oddiy stipendiya oladi.

---

Kunduzgi ta’lim shakli imtihonlarida eng yuqori ball to‘plagan 200 talaba Prezident grantini oladi.

Imtihonlarda to‘plash mumkin bo‘lgan maksimal ball – 189 ball. Agar talaba kontraktga qabul qilingan bo‘lsa ham, Prezident grantiga loyiq ko‘rilsa, grant asosida o‘qiydi!

Prezident granti stipendiyasi talabaga 1-kursdan oyma-oy to‘lanadi. Lekin agar talaba birorta fanini «a’lo» bahoga yopolmasa ham, keyingi semestrda prezident granti stipendiyasini emas, oddiy stipendiya oladi. Keyingi semestrni «a’lo» bahoga yopsa, talaba yana grant stipendiyasini olishda davom etadi. Bu stipendiya miqdori Prezident stipendiyasi bilan bir xil.

O‘qishni tugatguncha grant stipendiyasini uzluksiz olgan talabalar o‘z sohasi bo‘yicha magistraturaga grant asosida imtihonsiz qabul qilinadi.

Siz bu yangilikka qanday qaraysiz? Izoh qoldiring.