Xususiy oliygohlarga qabul tartibi qat'iylashdi
Prezident farmoniga ko'ra, respublikadagi barcha oliy ta'lim tashkilotlari, jumladan, xususiy va xorijiy oliygohlar bakalavriati hamda magistraturasiga qabul bir o'quv yilida faqat bir marta — iyun-sentyabr oylari oralig'ida amalga oshirilishi belgilandi.
Qabul muddati va shartnoma tizimi
O'tgan yillardan farqli o'laroq, endilikda oliygohlar oktyabr oyidan keyin qabulni amalga oshira olmaydi. Prezidentning 82-sonli farmoniga asosan, xususiy oliygohlar o'z talabalari uchun shartnomalarni faqat kontrakt.edu.uz va prof.edu.uz axborot tizimlari orqali shakllantirishlari shart.
- Qabul muddati: iyun – sentyabr.
- Shartnoma shakllantirish: 1-oktyabrgacha.
- Barcha abituriyentlar uchun qoidalar bir xil.
Shu sababli, xususiy oliygohlarga hujjat topshirishni rejalashtirgan abituriyentlar vaqtni boy bermasliklari kerak. Kirish ballari va yo'nalishlar haqida ma'lumotlarni oldindan o'rganib chiqish tavsiya etiladi.
Manba: infoedu.uz ma'lumotlari asosida tayyorlandi.
Izohlar (0)
Izoh yozish uchun tizimga kiring.