Buxoro davlat universitetida jurnalistika yo‘nalishlari ochildi
Ta’lim sohasidagi eng muhim yangiliklardan biri — Buxoro davlat universitetida jurnalistika mutaxassislari tayyorlash boshlandi. O‘zbekiston Respublikasi Vazirlar Mahkamasining qaroriga asosan universitetda ikkita yangi bakalavriat yo‘nalishi tashkil etildi:
- Bosma ommaviy axborot vositalari
- Jamoatchilik bilan aloqalar (PR)
Har bir yo‘nalish bo‘yicha 25 nafar talaba qabul qilinishi rejalashtirilgan bo‘lib, shundan 5 ta o‘rin grant, 20 tasi esa kontrakt asosida ajratilgan. Kirish ballari yo'nalishlar kesimida ma'lumot olish orqali tanlovdagi imkoniyatlaringizni baholashingiz mumkin.
Ta’lim sifati va amaliyot
O‘quv jarayoni O‘zbekiston jurnalistika va ommaviy kommunikatsiyalar universiteti ekspertlari tomonidan ishlab chiqilgan dasturlar asosida olib boriladi. Ta’limda amaliyotga alohida urg‘u berilgan: talabalar o‘qish davomida tuman va viloyat gazetalari, telekanallar hamda matbuot markazlarida faol ishtirok etib, o‘z ijodiy ishlarini taqdim etishlari shart.
Abituriyentlar uchun tavsiyalar
Jurnalistika tez rivojlanayotgan soha bo‘lgani sababli, bo‘lajak talabalardan ingliz va rus tillarini mukammal o‘zlashtirish talab etiladi. Bu ularga xalqaro ilmiy adabiyotlar va zamonaviy axborot resurslaridan erkin foydalanish imkonini beradi. Abituriyentlar uchun mo‘ljallangan qo‘shimcha materiallar va yangiliklarni saytimiz orqali kuzatib boring.
Buxoro davlat universiteti o‘zining boy pedagogik an’analarini jurnalistika sohasida ham munosib davom ettirishni maqsad qilgan.
Izohlar (0)
Izoh yozish uchun tizimga kiring.