Armiyadan qaytdingizmi? Masofadan o’qish uchun 1 040 ta imtiyozli o’rin bor

Harbiy xizmatni o'tab keldingiz, lekin o'qish uchun shaharga ko'chib borishga imkoningiz yo'qmi? Aynan shunday vaziyatda bo'lgan fuqarolar uchun yana bir qulay imkoniyat — bakalavriatning masofaviy ta'lim shakli bo'yicha 1 040 ta alohida qabul o'rni ajratildi. Harbiy qism qo'mondonligining tavsiyanomasi bilan ushbu imtiyozli kvotadan foydalanishingiz mumkin.

Bu avval e'lon qilingan kunduzgi (7 793 ta) va kechki (1 447 ta) ta'lim kvotalariga qo'shimcha. Endilikda armiyadan tavsiyanoma bilan qaytgan fuqarolar barcha uchta ta'lim shaklida — kunduzgi, kechki va masofaviy — o'z imkoniyatini sinab ko'rishi mumkin. OTMlar kesimidagi to'liq taqsimot bilan Harbiy tavsiyanoma uchun barcha ta'lim shakllari kvotasi 2026 (PDF) hujjatida tanishishingiz mumkin. Ta'limga oid barcha yangiliklarni InfoEdu.uz orqali kuzatib boring.