AQShning Michigan universitetida grant asosida o‘qish

Michigan universitetida grant asosida ta’lim olish imkoniyati

AQShning nufuzli Michigan shtati universiteti bakalavriat va magistratura bosqichida tahsil olishni istagan xalqaro talabalar uchun to‘liq va qisman moliyalashtiriladigan grant dasturlarini taqdim etadi. Ushbu dastur dunyoning barcha davlatlari fuqarolari, jumladan, o‘zbekistonlik yoshlar uchun ham ochiq.

Grant turlari va moliyaviy yordam

Universitet xalqaro talabalarni qo‘llab-quvvatlash maqsadida bir qancha stipendiya turlarini taklif etadi:

• International Tuition Grant: AQSh tashqarisidan kelgan talabalar uchun. Akademik ko‘rsatkichlar va insholar asosida saralanadi. Grant qiymati 8 semestr uchun 15 000 – 25 000 AQSh dollarigacha yetishi mumkin.
• Global Ambassador Grant: Akademik jihatdan iqtidorli talabalar uchun mo‘ljallangan bo‘lib, 8 semestr davomida har yili 7 000 AQSh dollari miqdorida moliyaviy yordam beradi.

Grantlarning boshqa turlari haqida batafsil ma’lumotni rasmiy sayt orqali olishingiz mumkin.

Ariza topshirish tartibi

Nomzodlar ushbu qoidalarga to‘liq javob berishi va maxsus ariza shaklini to‘ldirishi lozim. Shuningdek, talaba avval Michigan universitetiga qabul qilinishi shart.

Universitetga qabul uchun arizalar ushbu havola orqali yuboriladi. To‘liq arizalarni [email protected] manziliga jo‘natishingiz kerak.

Xorijda ta’lim olishni rejalashtirayotganlar uchun abituriyentlar uchun foydali ma’lumotlar hamda talabalar uchun dolzarb yangiliklarni kuzatib borishni tavsiya etamiz.