Apellatsiya arizalarini qabul qilish boshlandi: Muhim ma'lumotlar
Oliy ta’lim muassasalarining bakalavriat ta’lim yo‘nalishlariga kirish test sinovlari natijalaridan norozi bo‘lgan abituriyentlar uchun apellatsiya arizalarini qabul qilish jarayoni boshlandi.
Apellatsiyani qanday topshirish mumkin?
Arizalar my.uzbmb.uz sayti orqali abituriyentning shaxsiy kabinetida onlayn tarzda qabul qilinmoqda. Jarayon 10 kun davom etadi va 31-avgust kuni yakunlanadi.
Eslatib o‘tamiz, kirish ballari yo'nalishlar kesimida tahlil qilib, natijalaringizni solishtirib olishingiz mumkin. Shuningdek, abituriyentlar uchun foydali maslahatlarni platformamizda kuzatib boring.
Kimlar apellatsiya bera oladi?
- Test sinovlarida qatnashgan abituriyentlar;
- Test sinovidan chetlatilmagan abituriyentlar.
Apellatsiyani ko‘rib chiqish tartibi
Arizani muvaffaqiyatli topshirgan abituriyentga uni ko‘rib chiqish sanasi va vaqti ko‘rsatilgan maxsus xabarnoma beriladi. Belgilangan vaqtda quyidagi hujjatlar bilan Bilimni baholash agentligiga kelishingiz shart:
- Shaxsni tasdiqlovchi hujjat (pasport yoki ID karta);
- Apellatsiya xabarnomasi;
- Abituriyent ruxsatnomasi.
Diqqat: Apellatsiya shikoyatlarini ko‘rib chiqish 2023-yil 24-avgustdan boshlanadi. Ta'lim sohasidagi eng so‘nggi yangiliklarni biz bilan kuzatib boring.
Izohlar (0)
Izoh yozish uchun tizimga kiring.