2024-yilgi test sinovlari natijalari tahlili
Ta’lim sohasidagi eng so’nggi yangiliklar shuni ko‘rsatmoqdaki, mandat.uzbmb.uz maʼlumotlariga ko‘ra, joriy yilda 888 ming 472 nafar abituriyent sinovlarda ishtirok etdi.
Afsuski, 439 ming 337 nafar (49,4%) abituriyent o‘tish balining eng quyi chegarasi bo‘lgan 56,7 balni ham to‘play olmadi. Bu shuni anglatadiki, ular mandat chiqmasidan avval kurashdan chiqishdi. Agar siz kirish ballari yo'nalishlar kesimida ma'lumotlarni o'rganib chiqsangiz, raqobat qay darajada yuqoriligini tushunishingiz mumkin.
Natijalar o‘tgan yilga nisbatan qanday o‘zgardi?
O‘tgan yilgi holat bilan solishtirganda ahvol biroz yaxshilangan. O‘tgan yili 51,2% (550 ming) abituriyent 56,7 ball to‘play olmagan bo‘lsa, joriy yilda bu ko‘rsatkich 49,4% ga tushdi. 56,7 dan ko‘p ball to‘plagan abituriyentlar soni 449 ming nafarni (50,6%) tashkil etdi.
Hududlar kesimida tahlil qilsak, 8 ta hududda abituriyentlarning 50 foizdan ko‘prog‘i past ball olgan. Abituriyentlar uchun foydali ma'lumot sifatida quyidagi hududlar natijani eng ko‘p yaxshilagan:
- Toshkent shahri — 4,4%
- Buxoro — 4,4%
- Toshkent viloyati — 3,5%
- Namangan — 3,3%
- Farg‘ona — 2,4%
🔴 Sirdaryo va Andijon viloyatida esa natija o‘tgan yilgiga qaraganda yomonlashgan.
Xulosa: 30% bilim darajasi yetarlimi?
Eslatib o‘tamiz, 56,7 ball — bu to‘plash mumkin bo‘lgan eng yuqori 189 balning atigi 30%i hisoblanadi. Bu ko‘rsatkich hatto qoniqarli baho darajasida ham emas. Ushbu raqamlar ta'lim sifatini oshirish va abituriyentlarning tayyorgarligini kuchaytirish zarurligini ko‘rsatib turibdi.
Siz bu yangilikka qanday qaraysiz? Izoh qoldiring.
Izohlar (0)
Izoh yozish uchun tizimga kiring.