Abituriyentlar uchun muhim ogohlantirish: Test jarayonida taqiqlangan vositalar
DTM test sinovlari davrida har bir abituriyent tartib-qoidalarga qat'iy rioya qilishi shart. Aks holda, abituriyent imtihondan chetlatilishi va natijalari bekor qilinishi mumkin.
Qaysi buyumlardan foydalanish taqiqlanadi?
Test vaqtida quyidagi vositalarni olib kirish va ulardan foydalanish qat'iyan man etiladi:
- Mikrokalkulyator;
- Lug‘at va kitoblar;
- Turli xil jadvallar (ruxsat etilganlardan tashqari);
- Uyali telefon va kompyuter;
- Har qanday telekommunikatsiya vositalari;
- Shpargalkalar va yozuvlar.
Agar siz abituriyentlar uchun mo'ljallangan qoidalarni buzsangiz, test jarayonidan chetlatilasiz. Shuning uchun imtihonga kirishdan oldin barcha keraksiz buyumlarni tashqarida qoldiring.
Qaysi jadvallardan foydalanishga ruxsat beriladi?
Ba'zi fanlar bo'yicha abituriyentlarga test materiallari bilan birga ruxsat etilgan yordamchi jadvallar taqdim etiladi. Bularga quyidagilar kiradi:
- Mendeleyev davriy jadvali;
- Doimiy fizik kattaliklar va shartli belgilashlar jadvali;
- Kimyo, fizika va matematika fanlari bo'yicha asosiy formulalar to'plami.
Siz o'z bilimingizni DTM standartidagi test tizimi orqali sinab ko'rishingiz va imtihonlarga yanada puxta tayyorgarlik ko'rishingiz mumkin. Ta'lim sohasidagi yangiliklarni kuzatib boring.
Izohlar (0)
Izoh yozish uchun tizimga kiring.